ეს საინტერესოა
ავტორი: „თბილისელები“ 23:00 03.01
* ივრითის სახელმძღვანელო იწყება სიტყვებით: „თქვენ იწყებთ იმ ენის სწავლას, რომელზეც ლაპარაკობს ღმერთი“.
* შუა საუკუნეების საფრანგეთის, ეგრეთ წოდებული, „სანაპირო კანონი“ ამტკიცებდა სანაპიროზე მცხოვრებთა უფლებას ყველაფერზე, რასაც ზღვა გამორიყავდა. კანონს საფუძვლად ედო დაღუპული ხომალდის ნარჩენების შეგროვების ძველი ტრადიცია. თუმცა, ამ კანონითვე მკაცრად ისჯებოდა ავარიის მიზანმიმართულად გამოწვევა, მაგალითად, ცრუ შუქურის დადგმა ან ლოცმანის მოსყიდვა – დამნაშავეს ემუქრებოდა ეკლესიიდან განკვეთა და დანაშაულის ადგილზე ჩამოხრჩობა; ან ქონების ჩამორთმევა და სახლთან ერთად დაწვა, რომლის ადგილზეც შემდეგ ღორების ბაზარს აწყობდნენ. ყველაზე მკაცრ სასჯელად კი მიიჩნეოდა დამნაშავის ნახევრად დახრჩობა და შემდეგ ქვებით ჩაქოლვა - ასეთი სასჯელი ემუქრებოდა ხომალდის ეკიპაჟის მკვლელებს.
სიახლეები ამავე კატეგორიიდან
