მივიქციოთ ყურადღება

ორიგინალური რომ იყოთ და ამით მიიქციოთ ყურადღება, სულაც არ ნიშნავს იმას, რომ ამით თქვენთვის სასურველ მიზანს აუცილებლად მიაღწევთ. გინდათ, გაგიმხილოთ ყველა გემოვნებიანი და დახვეწილი ქალბატონის საიდუმლო, თუ რატომ არიან ისინი სხვებისგან გამორჩეულები და განსაკუთრებულები?

ყველა ადამიანს აქვს დამახასიათებელი სპეციფიკური სტილი, რომელიც მისთვის, როგორც ინდივიდისთვის არის განკუთვნილი. სწორედ ამიტომაც, როდესაც მოდაში ესა თუ ის ტანისამოსი შემოდის, ყველა ადამიანი, რომელმაც ჯერ ვერ აღმოაჩინა საკუთარი სტილი, ცდილობს, ეს მოდური სამოსი მოირგოს, მაგრამ ვერაფერი სასიამოვნო სანახაობაა, როცა ასობით ადამიანი ქუჩაში ერთი და იმავე ტანსაცმლით დადის. თუმცა საკუთარი ინდივიდუალურობის გამოხატვა პატარა აქსესუარებითაც კი შესაძლებელია. ეს იქნება ხელჩანთა, მძივი თუ სხვა სამკაული, რომლებიც ხაზს გაუსვამენ თქვენს ქალურობას, განსაკუთრებულობას, გამორჩეულობას, გემოვნებას..

აუცილებლად შეეცადეთ, საკუთარ თავში მაქსიმალურად აღმოაჩინოთ ვიზუალური ნაკლოვანებები. უნაკლო ადამიანები არ არსებობენ. შემდგომ კი უნდა შეეცადოთ მათ მოხერხებულად დაფარვას, რომ ის სხვებისთვის თვალშისაცემი არ იყოს. სწორედ ამას ჰქვია ქალური მიმხიბვლელობა.

უფროსად ქალი სჯობს თუ კაცი

გაინტერესებთ?

აღმოჩნდა, რომ ქალებს ურჩევნიათ, მათი ხელმძღვანელი კაცი იყოს, რადგან კაცები ქალების მიმართ უფრო ლოიალურები არიან, უმნიშვნელო შეცდომებსაც ადვილად აპატიებენ და ოჯახურ პირობებსაც მეტად ითვალისწინებენ.

გარდა ამისა, კაცი ხელმძღვანელები თვითდაჯერებულობით გამოირჩევიან, მათ არ სჭირდებათ ამტკიცონ, რომ ნამდვილად შეეფერებიან დაკავებულ პოზიციას. ქალებს, პირიქით, საკუთარი კვალიფიციურობის მტკიცება უწევთ, ამიტომ, ხშირად მკაცრად რეაგირებენ დარღვევაზე და ისეთ დეტალებსაც უკირკიტებენ, რასაც კაცი ყურადღებას არ მიაქცევდა.

რაც შეეხება კაც საჯარო მოხელეებს, აღმოჩნდა, რომ უფროსის სქესს მათთვის დიდი მნიშვნელობა არ აქვს. საერთო ენის გამონახვას ქალთანაც მშვენივრად ახერხებენ და მამაკაცთანაც. მათთვის სამსახურში უფრო სხვა რამეს აქვს მნიშვნელობა, ვიდრე ხელმძღვანელის სქესს.

პრობლემების წინაშე

თქვენ არ ხართ ერთადერთი, ვინც რაოდენ დიდი სიყვარულიც არ უნდა გქონდეთ, ურთიერთობაში პრობლემების წინაშე დგას. წაიკითხეთ და გაითვალისწინეთ.

კომუნიკაციის პრობლემები

ნებისმიერ ურთიერთობაში ერთ-ერთი ყველაზე გავრცელებული პრობლემა კომუნიკაციის გაფუჭებაა. ეს შეიძლება, გამოვლინდეს გაუგებრობებით, არასწორი ინტერპრეტაციებით ან, უბრალოდ, ერთმანეთის არ მოსმენით. დროთა განმავლობაში ეს იწვევს იმედგაცრუებისა და უკმაყოფილების გრძნობას. კარგი კომუნიკაცია ნიშნავს აქტიურ მოსმენასა და ღია, გულწრფელ დიალოგს.

ფინანსური ბრძოლა

ხარჯვის სხვადასხვა ჩვევები, ფინანსური პრიორიტეტები და ვალები ძაბავს ურთიერთობას. ქორწინებაში ფული ხშირად არის კონფლიქტის წყარო. მნიშვნელოვანია მკაფიო ფინანსური გეგმა, ბიუჯეტი და მიზნები, ფულის შესახებ რეგულარული დისკუსიები, რაც დაგეხმარებათ თავიდან აიცილოთ გაუგებრობები და ჩამოაყალიბოთ ფინანსური ნდობა და სიმშვიდე.

ინტიმური ურთიერთობა და სექსუალურობა

ინტიმური ურთიერთობის დაქვეითება ჩვეულებრივი საკითხია, რომელსაც დაქორწინებული წყვილები აწყდებიან. ეს შეიძლება, გამოწვეული იყოს სტრესით, ჯანმრთელობის პრობლემებით ან ემოციური კავშირის ცვლილებით. აუცილებელია ემოციური თუ ინტიმური ურთიერთობის შენარჩუნება, სიყვარულის გამოხატვა და პარტნიორის სურვილებისა და საჭიროებების შესახებ კომუნიკაცია.

დროის ნაკლებობა

როდესაც ცხოვრება დატვირთული ხდება სამუშაოთი, საყოფაცხოვრებო პასუხისმგებლობებითა და სოციალური ვალდებულებებით, წყვილებმა შეიძლება, ერთად ნაკლები დრო გაატარონ. ემოციური კავშირის უგულებელყოფა კი დისტანციისა და მარტოობის განცდას იწვევს. მნიშვნელოვანია, პრიორიტეტად აქციოთ ერთმანეთისთვის მეტი დროის დათმობა, პაემნების დანიშვნა, სიყვარულისა და მადლიერების მარტივი ჟესტებით გამოხატვა.