კიდევ ერთხელ სიყვარულზე
ავტორი: ელენე წულუკიძე 14:00 30.05, 2021 წელი
თანამედროვე ფსიქოლოგებს მიაჩნიათ, რომ ექვსი სახის სიყვარული არსებობს: ეროსი, თამაში, დაგროვება, პრაგმა, მანია, აგაფე. ამ ტესტის საშუალებით თქვენ გაიგებთ, რომელი სახის სიყვარული შეგიძლიათ.
შეაფასეთ თითოეული დებულება 1-დან 5 ქულამდე:
1 – სრულიად არ ვეთანხმები;
2 – ნაწილობრივ არ ვეთანხმები;
3 – მიჭირს პასუხის გაცემა;
4 – ნაწილობრივ ვეთანხმები;
5 – სრულიად ვეთანხმები.
მონიშნეთ თქვენთვის შესაბამისი ქულა პასუხის გასწვრივ:
* მე და ჩემმა პარტნიორმა ერთმანეთისადმი ლტოლვა პირველივე შეხვედრისთანავე ვიგრძენით;
* ვგრძნობ, რომ მე და ჩემი პარტნიორი ერთმანეთისათვის ვართ გაჩენილები;
* კარგა ხანს ვერ ვხვდები, რომ თურმე, ადამიანი შემიყვარდა;
* ადამიანი რომ შემიყვარდეს, ჯერ მისგან უნდა ვიგრძნო გულწრფელი ყურადღება;
* საუკეთესო სიყვარული ხანგრძლივი მეგობრობიდან იწყება;
* სინამდვილეში, სიყვარული არის მეგობრობა და არა იდუმალი, მისტიკური ემოცია;
* ვცდილობ, ჯერ გულდასმით დავგეგმო ჩემი ცხოვრება და მერე ავირჩიო პარტნიორი;
* როცა სასიყვარულო ურთიერთობები მენგრევა ისეთ დეპრესიაში ვვარდები, რომ თვითმკვლელობაზეც ვფიქრობ;
* როცა შეყვარებული ვარ, არაფერზე შემიძლია ყურადღების კონცენტრაცია;
* ჩემი პარტნიორის გულისათვის მე ყველაფერს ავიტან.
დათვალეთ ქულები:
ყველაზე მეტი ქულა – ეროსი, შემდეგ – თამაში, უფრო ნაკლები ქულა – დაგროვება, კიდევ უფრო ნაკლები – პრაგმა, უფრო ნაკლები – მანია, ყველაზე ნაკლები – აგაფე.
ეროსი: პარტნიორის შერჩევის დროს ძირითადი მნიშვნელობა აქვს ფიზიკურ გარეგნობას. ასეთი სიყვარული იწყება და ვითარდება ძალიან სწრაფად. ახასიათებს ძლიერი სექსუალური ლტოლვა.
თამაში: ადამიანები სიყვარულს არ აღიქვამენ სერიოზულად. მათ ამოძრავებთ საკუთარი სიამოვნების მიღება და არ ითვალისწინებენ პარტნიორის სურვილებსა და ემოციებს.
დაგროვება: მშვიდი სასიყვარულო ურთიერთობის ფორმაა, რომელიც საწყისს იღებს მეგობრობიდან და ნელ-ნელა ვითარდება. ასეთ პარტნიორებს საერთო წარმოდგენები და შეხედულებები აქვთ.
პრაგმა: სიყვარული, რომელიც ემყარება მეორე ადამიანის მონაცემების გულმოდგინე დაანგარიშებას. სიყვარულის ამ ფორმას, გათვლით სიყვარულსაც ეძახიან.
მანია: ემოციური სიყვარულის ფორმაა, წააგავს ექსტრემალურ სპორტს. ეს ფორმა შეეფერება გავრცელებულ სტერეოტიპს, რომელსაც უწოდებენ რომანტიკულ სიყვარულს, ეს არის გაუხედნავი ლტოლვა.
აგაფე: ეს არის ისეთი სიყვარული, როდესაც ადამიანი არ ფიქრობს საკუთარ თავზე, მისთვის პირველადი მნიშვნელობის მისივე პარტნიორია და მხოლოდ მათ სიამოვნებაზე ზრუნავენ.
სიახლეები ამავე კატეგორიიდან