კითხვა-პასუხი

პასუხი: ორგანული კოსმეტიკა არ შეიცავს ისეთ დანამატებს, როგორებიცაა: სულფატები, პარაბენები, SLS, ქიმიური არომატიზატორები და სხვა ნივთიერებები. მისი მთავარი ღირებულება არის ჯანმრთელობის უსაფრთხოება და მაღალი ეფექტურობა. მასში შემავალ მცენარეთა ექსტრაქტების მოლეკულებს შეუძლიათ, მაქსიმალურად ღრმად შეაღწიონ ეპიდერმისის ფენებში, სადაც მათი სამკურნალო თვისებები იწყებს მოქმედებას, განსხვავებით სინთეტიკური ნივთიერებებისგან, რომლებზეც ორგანიზმი უარყოფითად რეაგირებს. ორგანული კოსმეტიკის შეძენისას უნდა გაითვალისწინოთ ის ფაქტორიც, რომ მათი შენახვის ვადა გაცილებით ნაკლებია. მისი მოხმარება რეკომენდებულია პროდუქტის გახსნიდან 3-6 თვემდე. ორგანულ კოსმეტიკაში შემავალი კონსერვანტები მცენარეული წარმოშობისაა. ყველაზე ხშირად, ეს არის ვიტამინი E და ეთერზეთები. მავნე პარაბენების ნაცვლად კი გამოიყენება ანტიმიკრობული, ანტისეპტიკური ნივთიერება ანტიოქსიდანტური მოქმედებით, მაგალითად, გრეიპფრუტის თესლის ექსტრაქტი. ყველაფერი ეს კი საშუალებას იძლევა, თამამად გამოიყენოთ ორგანული კოსმეტიკური საშუალებები ორსულობის პერიოდში.