როგორ შევამციროთ ქოლესტერინის დონე

შეცვალეთ კვება – რაციონი მოარგეთ გულსა და სისხლძარღვებს.

რა უნდა მიირთვათ:

• ბოჭკოები (უჯრედისი): შვრია, ქატო, ლობიო, ჩიას და სელის მარცვლები;

• ხილი და ბოსტნეული: განსაკუთრებით ვაშლი, სტაფილო, ბროკოლი, ისპანახი;

• თხილეული და თესლები: ნუში, კაკალი, სელის მარცვალი;

• ცხიმიანი თევზი (2-ჯერ კვირაში): ორაგული, სკუმბრია, სარდინი (შეიცავს ომეგა-3-ს).

რა უნდა შეამციროთ ან გამორიცხოთ:

• ტრანსცხიმები (მარგარინი, მზა ნამცხვრები, ჩიფსები);

• ცხიმიანი ხორცი და ძეხვეულობა;

• შემწვარი საკვები;

• მაღალი ცხიმის რძის პროდუქტები;

• ტკბილეული და გაზიანი სასმელები.

ფიზიკური აქტივობა – დღეში, მინიმუმ, 30 წუთი სიარული ან სირბილი, ველოსიპედით სეირნობა, ცურვა. აქტიური ცხოვრება ხელს უწყობს „კარგი“ ქოლესტერინის გაზრდას და „ცუდის“ შემცირებას.

არ მოწიოთ სიგარეტი – მოწევა აზიანებს არტერიებს. მოწევაზე უარის თქმით უკვე რამდენიმე კვირაში უმჯობესდება სისხლძარღვების მდგომარეობა.

იზრუნეთ წონაზე და მოერიდეთ სტრესს – ჭარბი წონა ხელს უწყობს ქოლესტერინის დისბალანსს. სტრესი აძლიერებს ანთებით პროცესებს და ზეგავლენას ახდენს ცხიმების მეტაბოლიზმზე.

გამოიყენეთ მედიტაცია, სუნთქვითი ვარჯიშები ან იოგა.

საჭიროების შემთხვევაში – მედიკამენტები. თვითნებურად არ მიიღოთ წამლები – ქოლესტერინის ზუსტი ანალიზი და ექიმის შეფასება აუცილებელია.

ხალხური დამხმარე საშუალებები: სელის მარცვლები და ზეთი, ნიორი (უმად – ყოველდღე 1 კბილი), ჭარხლის წვენი, მწვანე ჩაი, დილაობით – წყალში გახსნილი 1 ჩაის კოვზი ვაშლის ძმარი.