ექიმის რჩევები

პასუხი: სავარაუდოდ სებორეული დერმატიტია ან სოკო, დიაგნოსტირება და პათოლოგიის ფორმის განსაზღვრა და მკურნალობა დერმატოლოგმა უნდა ჩაატაროს. დიაგნოსტიკისთვის კანი უნდა დათვალიერდეს სპეციალისტის მიერ.

კითხვა: რამდენად საშიშია მაგნიტო-რეზონანსული ტომოგრაფია? ერთ წელში მესამეჯერ მიწევს გადაღება?

პასუხი: კვლევის სიხშირის თვალსაზრისით, მაგნიტურ-რეზონანსულ ტომოგრაფიაზე შეზღუდვა არ არის დაწესებული, მაგნიტურ-რეზონანსული კვლევა, საჭიროების შემთხვევაში, ხშირად შეიძლება, ჩატარდეს, განსხვავებით კტ-კვლევისგან.

კითხვა: ბუასილის დროს გირებით ვარჯიში თუ შეიძლება?

პასუხი: სიმძიმეების აწევა ბუასილის სიმპტომების პროვოცირებას იწვევს.

კითხვა: საბავშვო ხველების საწინააღმდეგო სიროფ ბრონქოდიაზინას გახსნიდან რამდენი ხანი აქვს მოხმარების ვადა? მაცივარში თუ შეიძლება შენახვა?

პასუხი: მისი შენახვა შესაძლებელია მაცივარში, რაც შეეხება გამოყენების ვადებს, დააკვირდით ხომ არა აქვს შეცვლილი ფერი ან კონსისტენცია, ვადა ხომ არ გაუვიდა. მისი გამოყენება გახსნიდან 1-2 თვის განმავლობაში შეგიძლიათ.

კითხვა: მყავს ახალდაბადებული ბიჭი და მაინტერესებს დაბანისას ან ისე როგორი მოვლა სჭირდება ჩვილის სასქესო ორგანოს?

პასუხი: ყოველი დაბანის დროს ბავშვს ჩუჩა უნდა გადაუწიოთ სადამდეც გადადის ძალდატანების გარეშე და დაბანოთ. თუ გართულებებმა არ იჩინა თავი, რაიმე სხვა ჩარევა, მიზანშეწონილი არ არის.

კითხვა: ვარ 5 თვის ორსული, ფეხებზე მკრთალად გამიჩნდა წვრილი კაპილარები. მეშინია, ძალიან არ დამეტყოს ან რაოდენობამ არ მოიმატოს. არის რაიმე საშუალება ეს ყველაფერი თავიდან ავიცილო?

პასუხი: ასეთ დროს საჭიროა შემდეგი რეკომენდაციების დაცვა: გვერდზე და არა ზურგზე წოლა, ფეხების ვარჯიში, მუცლისთვის შერჩეული ბანდაჟის გამოყენება, ელასტიკური ტრიკოტაჟი ფეხებისთვის ან ანგიოლოგის მიერ შერჩეული საორსულე კოლგოტი.

რუბრიკას უძღვება ოჯახის ექიმი

მაია ნუცუბიძე