ავიტამინოზი

ავიტამინოზის მქონე პაციენტები უჩივიან სისუსტეს, აპათიურობას დამუდმივი დაღლილობის სინდრომს.

პაციენტს ავიტამინოზის დროს აღენიშნება შემდეგი სიმპტომები:

• მეხსიერების დაქვეითება;

• არსებული ქრონიკული დაავადების სიმპტომების გაუარესება;

• თმის, კანისა და ფრჩხილების მტვრევადობის მომატება;

• სისხლდენა ღრძილებიდან;

• ნახეთქები პირის კუთხეებში;

• მუდმივი დაღლილობის შეგრძნება და ძილიანობა;

• მუდმივი სიცივის შეგრძნება სხეულში;

• კონცენტრაციის დაქვეითება;

• კუნთების ტკივილი და სპაზმი.

ავიტამინოზის მკურნალობა:

ორგანიზმისთვის საჭირო ნივთიერებებისა და მინერალების ხელოვნური გზით მიწოდება, მხოლოდ დროებით შეიძლება და არა ხანგრძილივი დროის განმავლობაში. ყველაზე კარგი გამოსავალია, ზუსტად ვიცოდეთ, რომელი საკვები პროდუქტი დაგვეხმარება და აღადგენს ჩვენს ორგანიზმში, A ვიტამინის რაოდენობას.

ავიტამინოზის მკურნალობის ხალხური მეთოდები:

ნიორი – ვიტამინების ნაკლებობის დროს ერთ-ერთი ყველაზე ეფექტური საშუალებაა. შეგიძლიათ, მიირთვათ დღეში 3 კბილი ნიორი. თუ ეს დისკომფორტს შეგიქმნით, ნაყენი მოამზადეთ: ამისათვის 1 თავ გარჩეულ ნიორს დაასხით 300 გრამი არაყი. მჭიდროდ დაახურეთ და 3 კვირის განმავლობაში, ბნელ ადგილას შეინახეთ. მიიღეთ 20 წვეთი, 3-ჯერ დღეში. მეტი ეფექტისთვის ნახევარი ჭიქა რძე დააყოლეთ.

მოცხარი, ანუ ხუნწი – ერთ სუფრის კოვზ კენკრას დაასხით 1 ჭიქა ადუღებული წყალი, გააჩერეთ 4 საათით, გადაწურეთ და მიირთვით ნახევარი ჭიქა დღეში 2-ჯერ;

ასკილი – ერთ ლიტრ წყალში ჩაყარეთ წინასწარ დაჭრილი, 5 სადილის კოვზი ასკილი, დადგით დაბალ ცეცხლზე და 10 წუთი დუღილის შემდეგ გადმოდგით, გააჩერეთ 8 საათი და მთელი დღის განმავლობაში ჩაის მაგივრად მიირთვით;

არყის ფოთლები – 100 გრამი არყის ფოთოლი ფრთხილად დაანაწევრეთ, ჯობს, ეს ხელით გააკეთოთ და არა დანით. დაასხით 500 მილილიტრი ადუღებული წყალი, გააჩერეთ 4 საათის განმავლობაში და მიიღეთ დღეში 3-ჯერ.

წელიწადის უმეტესი დროის განმავლობაში ადამიანებმა უპირატესობა უნდა მიანიჭონ მზის აბაზანებს, ხოლო ვიტამინების სინთეზური ფორმები ზამთრის რამდენიმე თვის განმავლობაში მიიღონ.
15 წუთით მზის გულზე ყოფნაც კი საკმარისია, რომ ორგანიზმმა D ვიტამინის ნორმალური დონე შეინარჩუნოს.