ცომში გამომცხვარი ფარში და სოკო
ავტორი: „თბილისელები“ 12:00 24.12, 2021 წელი
საჭირო ინგრედიენტები:
🔸 700 გრამი შერეული ფარში
🔸 300 გრამი სოკო
🔸 1 თავი ხახვი, 4 კბილი ნიორი
🔸 800 გრამი მზა ფენოვანი ცომი, კვერცხი – ზემოდან გადასასმელად
🔸 თითო კონა კამა და ქინძი
🔸 მარილი და პილპილი – გემოვნებით, ზეთი.
მომზადების წესი 👩🍳
წვრილად დაჭრილი ხახვი და ნიორი მოშუშეთ ზეთში, დაამატეთ დაჭრილი სოკო და ეს ყველაფერი შეურიეთ ფარშს, დაამატეთ დაჭრილი მწვანილი, მარილი, პილპილი, კარგად აურიეთ და 15 წუთი დააყოვნეთ. ფენოვანი ცომი გააბრტყელეთ, გადაანაწილეთ ზემოდან მომზადებული მასა და გადაახვიეთ. ცომს ნაპირები კარგად შეუკარით და რამდენიმე ადგილას ჩაჩხვლიტეთ. ზემოდან კი გათქვეფილი კვერცხი გადაუსვით. გამოაცხვეთ 180 გრადუსამდე გაცხელებულ აირღუმელში, სანამ ოქროსფერს არ მიიღებს (დაახლოებით, 30 წუთი).
სიახლეები ამავე კატეგორიიდან