წიწიბურას წვნიანი ხბოს ხორცით
ავტორი: „თბილისელები“ 12:00 22.11, 2021 წელი
წიწიბურას გემრიელი წვნიანის რეცეპტი ,,თბილისელებისგან" 👇
საჭირო ინგრედიენტები:
🔸 600 გრამი ხბოს ხორცი
🔸 ნახევარი ჭიქა წიწიბურა
🔸 1 ცალი მოზრდილი კარტოფილი
🔸 ნახევარი კონა ნიახურის ძირები
🔸 1 ცალი სტაფილო, ბულგარული წიწაკა, 1 თავი ხახვი
🔸 1 ცალი დაფნის ფოთოლი, ცოტა სურნელოვანი, მრგვალი პილპილი, 2 კბილი ნიორი, მწვანილი, ზეთი, მარილი – გემოვნებით.
მომზადების წესი 👩🍳
ხორცი კარგად გარეცხეთ, შეაშრეთ და მოათავსეთ ქვაბში. დაასხით 2 ლიტრი წყალი და მოხარშეთ. დროდადრო მოხსენით ქაფი. დაუმატეთ დაფნის ფოთოლი, პილპილი, მარილი და გააგრძელეთ ხარშვა, მის სრულ მზადყოფნას საათ–ნახევარი მაინც დასჭირდება.
წიწიბურა გარეცხეთ და ცხელ, მშრალ ტაფაზე მოხალეთ. წვრილად დაჭრილი ხახვი, სტაფილო, ნიახურის ძირები, ბულგარული წიწაკა დაჭერით წვრილად და ზეთში მოშუშეთ. ხორცი ამოიღეთ ბულიონიდან და დააქუცმაცეთ. ბულიონი გაფილტრეთ. ისევ დადგით ცეცხლზე და მიიყვანეთ ადუღებამდე. ჩაყარეთ მასში წიწიბურა. დაუმატეთ ზეთში მოშუშული ბოსტნეული და კუბიკებად დაჭრილი კარტოფილი. ხარშეთ 30 წუთის განმავლობაში. ჩაუმატეთ ხორცი, მოაყარეთ წვრილად დაჭრილი და გასრესილი ნიორი. კიდევ 5 წუთი ადუღეთ თავდახურულ ქვაბში დაბალ ცეცხლზე და მზად არის.
გემრიელად მიირთვით!
სიახლეები ამავე კატეგორიიდან