თეთრი და შავი ფერის კექსი
ავტორი: „თბილისელები“ 12:00 16.10, 2021 წელი
უგემრიელესი კექსის რეცეპტი ,,თბილისელებისგან" 👇
საჭირო ინგრედიენტები:
🔸 290 გრამი კარაქი (150 გრამი – ღია ფერის ცომისთვის
🔸 50 გრამი – მუქი ფერის ცომისთვის, 90 გრამი – კრემისთვის)
🔸 250 გრამი მუქი შაქარი (150 გრამი – ღია ფერის ცომისთვის, 100 გრამი – მუქი ფერის ცომისთვის)
🔸 3 კვერცხი (2 – თეთრი ცომისთვის, 1 – მუქი ცომისთვის)
🔸 320 გრამი ფქვილი (170 გრამი – ღია ფერის ცომისთვის, 150 გრამი – მუქი ფერის ცომისთვის)
🔸 240 მილილიტრი რძე (120 მილილიტრი – თეთრი ცომისთვის, ამდენივე – მუქი ფერის ცომისთვის)
🔸 ნახევარი ჩაის კოვზი ცომის გამაფხვიერებელი და ცოტა მარილი – ორივე ფერის ცომისთვის
🔸 5 სადილის კოვზი კაკაო, ნახევრი ჩაის კოვზი სოდა
🔸 120 მილილიტრი მდუღარე წყალი
🔸 ნახევარი ქილა შესქელებული რძე – კრემისთვის
🔸 100 გრამი ქოქოსის ფხვნილი, შავი შოკოლადი – მოსართავად.
მომზადების წესი 👩🍳
ამ რეცეპტში აუცილებელია მუქი ფერის შაქრის გამოყენება. ღია ფერის ცომის მოსამზადებლად თასში ჩაყარეთ ფქვილი, მარილი და ცომის გამაფხვიერებელი. ცალკე თასში ათქვიფეთ დარბილებული კარაქი და შაქარი. შეურიეთ კვერცხი, რძე, ფქვილის მასა. გააკეთეთ სქელი არაჟნის კონსისტენციის ცომი.
მუქი ფერის ცომისთვის – ათქვიფეთ კარაქი და შაქარი ძალიან კარგად. დაუმატეთ კვერცხი, რძე და ფქვილი, ასევე კაკაო, გამაფხვიერებელი, მარილი, სოდა და აურიეთ. ბოლოს ფრთხილად შეურიეთ მდუღარე წყალი. ბლინის ცომივით უნდა იყოს.
ფორმას წაუსვით ცხიმი. ჩაასხით მასში მუქი ცომი. ზემოდან კოვზით ულუფებად დაასხით თეთრი ცომი. გამოაცხვეთ 180 გრადუსზე 50 წუთის განმავლობაში.
ძალიან ცხელ ტაფაზე მოხალეთ ქოქოსის ფანტელი. ფერი რომ შეეცვლება და გამუქდება მზად არის.
კრემისთვის კარგად ათქვიფეთ მოხარშული, შესქელებული რძე და კარაქი. დაუმატეთ სულ ცოტა მარილი. ნამცხვარს წაუსვით კრემი, დაფარეთ ქოქოსით და მოასხით გამდნარი შავი შოკოლადი.
სიახლეები ამავე კატეგორიიდან