თბილი სალათა ომლეტით
ავტორი: „თბილისელები“ 12:00 03.03, 2021 წელი
საჭირო ინგრედიენტები: 400 გრამი საქონლის ღვიძლი, 2 კვერცხი, 1 ცალი სტაფილო, 1 თავი ხახვი, 5 სადილის კოვზი ზეთი, 3 სადილის კოვზი რძე, 1 სადილის კოვზი ფქვილი, ნახევარი კონა ოხრახუში, მარილი, ცოტა არაჟანი და მაიონეზი.
მომზადების წესი: ღვიძლი დაჭერით მსხვილ ნაჭრებად, დაასხით ცოტა რძე. გააჩერეთ ცოტა ხანი, რომ უფრო ნაზი და გემრიელი გამოვიდეს. კვერცხი ათქვიფეთ ფქვილთან და რძესთან ერთად. უყავით ცოტა მარილი. დაასხით ზეთიან, ცხელ ტაფაზე და გამოაცხვეთ. ცოტა გაცივდეს და დაჭერით ჩხირებად. ხახვი დაჭერით წვრილად. მოშუშეთ ორ სადილის კოვზ ზეთში. დაუმატეთ გახეხილი სტაფილო და მოშუშეთ ხახვთან ერთად. ღვიძლი ამოიღეთ რძიდან, შეწვით ზეთიან ტაფაზე, ისე, რომ კარგად დაიბრაწოს. ამოიღეთ და მოაყარეთ დაჭრილი ოხრახუში. ცოტა არაჟანი ან მაიონეზი. ბოლოს მოაყარეთ მოშუშული სტაფილო და დაჭრილი ომლეტი.
სიახლეები ამავე კატეგორიიდან