შოკოლადის ბლინების ტორტი
ავტორი: „თბილისელები“ 12:00 26.12, 2021 წელი
საჭირო ინგრედიენტები:
ბლინებისთვის – 4 სუფრის კოვზი ფქვილი, 4 სუფრის კოვზი სახამებელი, 1 კვერცხი, 300 მილილიტრი რძე, 250 მილილიტრი წყალი, 50 გრამი გამდნარი შოკოლადი, 3 სუფრის კოვზი კაკაო, მწიკვი მარილი, ძალიან ცოტა შაქარი, 1 სუფრის კოვზი ზეთი.
კრემისთვის – 500 მილილიტრი რძე, 50 გრამი შაქარი, 1 შეკვრა ვანილი, 40 გრამი სიმინდის ან კარტოფილის სახამებელი.
ზემოდან მოსაყრელად – შოკოლადი.
მომზადების წესი 👩🍳
შეურიეთ ერთმანეთს ბლინის ყველა ინგრედიენტი, დაუმატეთ გამდნარი შოკოლადი და კარგად აურიეთ და შეწვით ზეთწასმულ ტაფაზე ორივე მხრიდან.
მოამზადეთ კრემი: 400 მილილიტრი რძე მიიყვანეთ ადუღებამდე. ცალკე ჯამში აურიეთ შაქარი, შეურიეთ სახამებელს და ნელ-ნელა ჩაასხით 100 მილილიტრი ცივი რძე, თან, შეუჩერებლად ურიეთ. შემდეგ წვრილი ნაკადით ჩაუშვით ცხელი რძე, დადგით ნელ ცეცხლზე და მიიყვანეთ ადუღებამდე. ურიეთ შეუჩერებლად, სანამ კრემი არ გასქელდება. უყავით ვანილი.
გამომცხვარ ბლინის ფენებს წაუსვით კრემი და მოათავსეთ მაცივარში 1 საათით. მზა ბლინის ტორტს ზემოდან გახეხილი შოკოლადი მოაყარეთ.
სიახლეები ამავე კატეგორიიდან