სამარხვო ტორტი-ღვეზელი
ავტორი: „თბილისელები“ 12:00 25.12, 2021 წელი
გემრიელი სამარხვო ღვეზელის რეცეპტი ,,თბილისელებისგან" 👇
საჭირო ინგრედიენტები 👩🍳
🔸 50 გრამი არომატიზებული ფქვილი
🔸 200 გრამი ჩვეულებრივი ფქვილი
🔸 200 მილილიტრი ვაშლის ნატურალური წვენი
🔸 100 გრამი შაქარი, 50 მილიგრამი ზეთი
🔸 1 სადილის კოვზი ვაშლის ძმარი
🔸 სოდა, მარილი
🔸 100 გრამი შავი მოცხარის მურაბა და 4 სადილის კოვზი ნებისმიერი სიროფი ან მურაბის წვენი.
მომზადების წესი 👩🍳
ვაშლის წვენში ჩაყარეთ შაქარი და მორევით გახსენით. დაუმატეთ ზეთი, ვაშლის ძმარი და ათქვიფეთ მიქსერით. ერთმანეთში არეულ ორივე ფქვილს დაუმატეთ ცოტა მარილი და შეურიეთ თხევად მასას. სოდა გახსენით სამ სადილის კოვზ წყალში, დაუმატეთ ცომს და კარგად ათქვიფეთ. ჩაასხით 21 სანტიმეტრის დიამეტრის გამოსაცხობ ფორმაში. გამოაცხვეთ 190 გრადუსზე 40-50 წუთის განმავლობაში.
გამოიღეთ, ცოტა გააცივეთ და გაჭერით შუაში სიბრტყეზე. ორივე ნახევარი კარგად დანამეთ სიროფით. ერთის ზედაპირს წაუსვით მურაბა, დააფარეთ მეორე ნახევარი, ზემოდან კი შაქრის პუდრი მოაყარეთ.
სიახლეები ამავე კატეგორიიდან