სალათა ქათმით
ავტორი: „თბილისელები“ 12:00 16.08, 2022 წელი
გემრიელი ქათმის სალათის რეცეპტი ,,თბილისელებისგან" 👇
საჭირო ინგრედიენტები:
🔸 200 გრამი ქათმის ფილე
🔸 2 ცალი საშუალო ზომის კიტრი
🔸 1 კონა სალათის ფოთლები
🔸 2 სადილის კოვზი კუნჯუთი
🔸 2 სადილის კოვზი სოიის სოუსი
🔸 2 სადილის კოვზი ზეთი
🔸 1 ჩაის კოვზი ვაშლის ძმარი
🔸 2 კბილი ნიორი
🔸 1 ჩაის კოვზი შაქარი
🔸 შავი პილპილი, მარილი, დაფნის ფოთოლი.
ბლინი: 1 კვერცხი, მარილი, ოხრახუში.
მომზადების წესი 👩🍳
მოხარშეთ ფილე მარილიან წყალში. ხარშვისას დაუმატეთ მრგვალი, შავი პილპილი, დაფნის ფოთოლი. მოხარშული ფილე ამოიღეთ ბულიონიდან და გააცივეთ.
მომცრო თასში ჩასხით ზეთი, ძმარი, სოიის სოუსი, შაქარი, მარილი, ნიორი და კარგად აურიეთ.
მოხარშული ფილე დაჩეჩეთ. კიტრი დაჭერით წვრილ ჩხირებად. მოაყარეთ ხორცს. მოასხით სოუსი, აურიეთ და მოათავსეთ მაცივარში ნახევარი საათით. კვერცხს დაუმატეთ სულ ცოტა მარილი და ათქვიფეთ. შეურიეთ წვრილად დაჭრილი ოხრახუში. ათქვიფეთ კიდევ ერთხელ და შეწვით ორივე მხრიდან ცხელ ტაფაზე მცირე რაოდენობის ზეთში. შემდეგ კი დაჭერით გრძლად მაკარონივით. კუნჯუთი ოდნავ მოხალეთ ცხელ ტაფაზე. ლანგარზე დააფინეთ სალათის ფოთლები, მოათავსეთ მათზე მაცივრიდან გამოღებული სალათა, მოაყარეთ კვერცხის „ლაფშა“ და კუნჯუთი.
გემრიელად მიირთვით!
სიახლეები ამავე კატეგორიიდან