პიცა-ფუნთუშა კვერცხითა და რძით

საჭირო ინგრედიენტები:

🔸 1 ცალი მოზრდილი ბურგერის ფუნთუშა

🔸 30 გრამი მაგარი ყველი

🔸 ნახევარი პომიდორი

🔸 30 გრამი უცხიმო ძეხვი

🔸 1 ჩაის კოვზი მაიონეზი

🔸 1 ჩაის კოვზი კეტჩუპი

🔸 2 სადილის კოვზი რძე

🔸 1 კვერცხი, მარილი – გემოვნებით.

მომზადების წესი 👩‍🍳

ფუნთუშა თუ მთლიანია, გაჭერით შუაში, სიბრტყეზე. ერთმანეთს შეურიეთ მაიონეზი და კეტჩუპი, უყავით მარილი და წაუსვით ფუნთუშის ნაჭრებს შიგნითა მხრიდან. შემდეგ შეაერთეთ და ძალიან ბასრი დანით ჩაჭერით ექვს ადგილას (ტორტივით). დაჭერით პომიდორი, ყველი, ძეხვი და მოათავსეთ ამ ჩანაჭრებში. ასე მომზადებული ფუნთუშა ჩადეთ ცეცხლგამძლე ფორმაში, მოასხით ერთად ათქვეფილი კვერცხი და რძე და გამოაცხვეთ აირღუმელში 180 გრადუსზე 10-15 წუთის განმავლობაში.