ფარშირებული შემწვარი ქათამი
ავტორი: „თბილისელები“ 12:00 02.08, 2021 წელი
„თბილისელები“ გთავაზობთ შემწვარი ფარშირებული ქათმის მარტივ და გემრიელ რეცეპტს.
საჭირო ინგრედიენტები:
🔸 6 ნაჭერი ქათმის ბარკალი ბარკლის ძირით
🔸 200 გრამი მაგარი ყველი
🔸 2 ცალი პომიდორი
🔸 ნახევარი ბულგარული წიწაკა
🔸 1 სადილის კოვზი არაჟანი
🔸 2 სადილის კოვზი მაიონეზი
🔸 ხმელი სუნელი, შავი პილპილი, მარილი.
მომზადების წესი:
ქათმის ბარკლებს მოაჭერით ზედმეტი კანი, ცოტა დაბეგვეთ და მოათავსეთ ღრმა თასში. მოაყარეთ მარილი, პილპილი და ხმელი სუნელი. ხელით კარგად აურიეთ. მოასხით არაჟანი და დადეთ მაცივარში 30 წუთის განმავლობაში.
ბულგარული წიწაკა დაჭერით კუბიკებად, მოათავსეთ თასში. მოაყარეთ წვრილად დაჭრილი პომიდორი და გახეხილი ყველი. მოასხით მაიონეზი და აურიეთ.
ქათმის ნაჭერები ჩაალაგეთ გამოსაცხობ ტაფაში. წაუსვით მომზადებული ბოსტნეული და გამოაცხვეთ აირღუმელში 40 წუთის განმავლობაში.
გემრიელად მიირთვით!
სიახლეები ამავე კატეგორიიდან