პასტა ბეკონითა და მწვანე ბარდით
ავტორი: „თბილისელები“ 12:00 13.10, 2021 წელი
გემრიელი პასტა ,,თბილისელებისგან" 👇
საჭირო ინგრედიენტები:
🔸 160 გრამი იტალიური „პასტა“ (მაკარონი)
🔸 100 გრამი ბეკონი
🔸 100 მილილიტრი ნაღები
🔸 140 გრამი მწვანე ბარდა
🔸 150 გრამი პარმეზანი (ფხვიერი ყველი)
🔸 ცოტა ნიგოზი, 1 თავი ხახვი
🔸 შავი პილპილი, ცოტა მუსკატის კაკალი, მარილი – გემოვნებით, ზეთი.
მომზადების წესი 👩🍳
სოუსი მზადდება ძალიან სწრაფად. ამიტომ პირველად მოხარშეთ და გაამზადეთ პასტა. სანამ პასტა იხარშება, დააქუცმაცეთ ხახვი და მოშუშეთ ზეთში. დაუმატეთ კუბიკებად დაჭრილი ბეკონი და აურიეთ. მოაყარეთ მწვანე ბარდა და ისევ აურიეთ. დაასხით ნაღები. დაუმატეთ ცოტა მარილი, მუსკატის კაკალი, შავი პილპილი, დაფხვნილი ყველი და დაქუცმაცებული ნიგოზი. კარგად აურიეთ და მოასხით პასტას. უგემრიელესი კერძია.
გემრიელად მიირთვით!
სიახლეები ამავე კატეგორიიდან