ნიგვზიანი ტორტი ლიმონის კრემით
ავტორი: „თბილისელები“ 12:00 23.10, 2021 წელი
„თბილისელები“ გასწავლით, როგორ მოამზადოთ ნიგვზიანი ტორტი ლიმონის კრემით.
საჭირო ინგრედიენტები:
🔸 1 ცალი ლიმონის წვენი და ცედრა
🔸 6 კვერცხი
🔸 4 სადილის კოვზი სახამებელი, 500 მილილიტრი რძე
🔸 160 გრამი შაქრის პუდრი
🔸 160 გრამი ნიგოზი
🔸 220 გრამი შაქარი (60 გრამი – ბისკვიტში, 160 გრამი – კრემში),
🔸 ნაღები, 60 გრამი შავი შოკოლადი, 1 სადილის კოვზი კონიაკი.
მომზადების წესი 👩🍳
შაქრის პუდრი და დაფხვნილი ნიგოზი ერთმანეთში აურიეთ. შაქართან ერთად კარგად ათქვიფეთ კვერცხის ცილა და შეურიეთ მასში ნიგვზიანი მასა. ფრთხილად აურიეთ და დაასხით ცხიმწასმულ ტაფაზე, დიამეტრით 38/38 ზე. გამოაცხვეთ 180 გრადუსზე 25-30 წუთის განმავლობაში.
გამომცხვარი ბისკვიტი გაყავით სამ ან ორ ტოლ ნაწილად. სანამ ცხელია, შეგიძლიათ, მრგვალი ფორმის ნაწილებად ამოჭრათ.
მოამზადეთ კრემი: ათქვიფეთ კვერცხის გული 160 გრამ შაქართან ერთად. დაუმატეთ კარტოფილის ფქვილში გახსნილი რძე, ლიმონის ცედრა და დადგით ძალიან დაბალ ცეცხლზე.
ნელი მორევით მოადუღეთ კრემი. ჩაუმატეთ ლიმონის წვენი და გააცივეთ. მიქსერით ათქვიფეთ ნაღები, შეურიეთ კრემს და ძალიან კარგად ათქვიფეთ.
ცალკე ცხელ ნაღებში გაადნეთ შოკოლადი. აურიეთ კარგად. დაუმატეთ კონიაკი.
ფირფიტებს სათითაოდ წაუსვით შოკოლადის მუსი და მაცივარში მოათავსეთ, რომ კარგად შეაშრეს. შემდეგ კი ჩვეულებრივად წაუსვით კრემი და ააწყვეთ ტორტი. ზემოდან მოაყარეთ ბისკვიტის ნარჩენები, ბოლოს კი – შაქრის პუდრა და მაცივარში გააცივეთ.
გემრიელად მიირთვით!
სიახლეები ამავე კატეგორიიდან