მინი კატლეტი ხორცითა და სოკოთი
ავტორი: „თბილისელები“ 12:00 14.09, 2022 წელი
სოკოს და ხორცის კატლეტის რეცეპტი ,,თბილისელებისგან" 👇
საჭირო ინგრედიენტები:
🔸 500 გრამი შერეული ფარში (ძროხისა და ღორის)
🔸 100 გრამი ხაჭოს ყველი, 1 კვერცხი
🔸 100 გრამი პური
🔸 2 ცალი ქამა სოკო
🔸 ნახევარი კონა ოხრახუში
🔸 ნახევარი ჩაის კოვზი მარილი, პილპილი, სუნელი, მესამედი ჩაის კოვზი უცხო სუნელი
🔸 2 კბილი ნიორი
🔸 2 სადილის კოვზი ნაღები.
მომზადების წესი 👩🍳
ფარშს დაუმატეთ კვერცხი, ხაჭოს ყველი და დააბლენდერეთ, შეურიეთ მარილი და პილპილი. ცალკე მოათავსეთ ბლენდერში დაქუცმაცებული პური, ქამა სოკო, ნიორი და ოხრახუში. დაასხით ნაღები და დააბლენდერეთ.
ფარშში შეურიეთ სოკოს მასა და კარგად აურიეთ. გააკეთეთ ამ მასისგან მცირე ზომის კატლეტები. მოამზადეთ გრილის ტიპის ზედაპირიანი ტაფა, წაუსვით ძალიან ცოტა ცხიმი. მოათავსეთ მასზე კატლეტები და ხელით ოდნავ დააბრტყელეთ. შეწვით ორივე მხრიდან 3-5 წუთის განმვალობაში. უგემრიელესია ნებისმიერ სოუსთან ერთად.
გემრიელად მიირთვით!
სიახლეები ამავე კატეგორიიდან