მაკარონი ქათმის ფილეთი, ყველითა და ბოსტნეულით
ავტორი: „თბილისელები“ 12:00 15.10, 2021 წელი
„თბილისელები“ გასწავლით, როგორ მოამზადოთ მაკარონი ქათმის ფილეთი, ყველითა და ბოსტნეულით.
საჭირო ინგრედიენტები:
🔸 500 გრამი მაკარონი
🔸 500 გრამი მოხარშული ქათმის ფილე
🔸 2 თავი ხახვი, 3 კბილი ნიორი
🔸 4 ცალი პომიდორი
🔸 200 გამი გახეხილი ყველი
🔸 ნახევარი კონა ოხრახუში
🔸 მარილი და წიწაკა – გემოვნებით.
მომზადების წესი 👩🍳
მოხარშეთ მაკარონი მარილიან წყალში, გადაუწურეთ წყალი და სანამ ცხელია, ჩააყარეთ გახეხილი ყველის ნახევარი და ამოურიეთ.
ტაფაზე მოშუშეთ ხახვი, ნიორი და გახეხილი პომიდორი. ჩაამატეთ წვრილად „დაწეწილი“ მოხარშული ქათმის ფილე, შეაზავეთ მარილითა და წიწაკით, ჩაამატეთ მოხარშულ მაკარონში და კარგად ამოურიეთ. მომზადებული მასა გადაიტანეთ ცეცხლგამძლე ჭურჭელში, მოაყარეთ დაჭრილი ოხრახუში, გახეხილი ყველი და გამოაცხვეთ 180 გრადუსზე გახურებულ ღუმელში 5-10 წუთის განმავლობაში.
გემრიელად მიირთვით!
სიახლეები ამავე კატეგორიიდან