კენკრის ტორტი
ავტორი: „თბილისელები“ 12:00 25.07, 2021 წელი
კენკრის კრემის რეცეპტი „თბილისელებისგან“.
საჭირო ინგრედიენტები:
ცომი
🔸150 გრამი კარაქი
🔸80 გრამი შაქარი
🔸2 კვერცხი
🔸200 გრამი ფქვილი
🔸60 გრამი ქოქოსის ფხვნილი
კენკრის შეგთავსი
🔸100 გრამი წითელი მოცხარი
🔸100 გრამი შავი მოცხარი
🔸100 გრამი ჟოლო
🔸100 გრამი მოცვი
🔸100 გრამი მარწყვი
🔸1 ჭიქა შაქარი
🔸250 გრამი ნაღები
🔸250 გრამი არაჟანი
🔸10 გრამი ჟელატინი
მომზადების წესი:
ათქვიფეთ კარაქი და შაქარი. დაუმატეთ კვერცხი, კარგად ათქვიფეთ. ნელ-ნელა დაუმატეთ ფქვილი, ქოქოსის ფხვნილი და მოზილეთ ცომი. შეახვიეთ საკვებ ცელოფანში და მოათავსეთ მაცივარში 30 წუთით.
კენკრა მოათავსეთ პატარა ქვაბში. მოაყარეთ შაქარი და ნელი მორევით მიიყვანეთ ადუღებამდე. შემდეგ კოვზით ბადეზე გახეხეთ და თბილსვე შეურიეთ წყალში დამბალი ჟელატინი. გააცივეთ. ნაღები კარგად ათქვიფეთ. თქვეფითვე შეურიეთ არაჟანი და ბოლოს ძალიან კარგად ათქვიფეთ. დაუმატეთ კენკრის მუსი. აურიეთ და დააცადეთ, რომ სრულად გაცივდეს.
ცომი გაყავით ორ ნაწილად. ერთი ნახევარი ფრთხილად მოათავსეთ ტორტის ფორმაში. გამოაცხვეთ 180 გრადუსზე 20 წუთი. შემდეგ მეორე ფენაც გამოაცხვეთ. ორივე ბისკვიტი რომ გაცივდება, იმავე ფორმას წაუსვით შიგნიდან ცოტა კარაქი, ჩადეთ პირველი ბისკვიტი და წაუსვით კენკრის კრემი. ზემოდან დაადეთ მეორე ბისკვიტი. გააცივეთ მაცივარში 12 საათის განმავლობაში.
სიახლეები ამავე კატეგორიიდან