ქათმის ხრაშუნა რგოლები
ავტორი: „თბილისელები“ 12:00 09.08, 2022 წელი
გემრიელი ქათმის რგოლების რეცეპტი ,,თბილისელებისგან" 👇
საჭირო ინგრედიენტები:
🔸 250 გრამი ქათმის ფილე
🔸 1 კვერცხი
🔸 3 სადილის კოვზი სიმინდის სახამებელი
🔸 1 კონა მწვანე ხახვი, 1 კონა კამა
🔸 50 გრამი მაგარი ყველი
🔸 1 ცალი მოხარშული კარტოფილი
🔸 1 თავი ხახვი
🔸 1 ჩაის კოვზი მარილი, შავი პილპილი – გემოვნებით.
ამოსავლებად: 2 კვერცხი, 100 გრამი ფქვილი, 200 გრამი ორცხობილას საფანელი.
ყველის სოუსი: 2 ნაჭერი რბილი ყველი, 50 მილილიტრი რძე, 1 ჩაის კოვზი შაქარი, 3 კბილი ნიორი, 5 გრამი კარაქი, 2 სადილის კოვზი მაიონეზი, მარილი – გემოვნებით.
მომზადების წესი 👩🍳
ქათმის ფილე და მოხარშული კარტოფილი დაჭერით მომცრო ზომის ნაჭრებად. დააქუცმაცეთ ბლენდერში მწვანე ხახვი, კამა და თავი ხახვი. ჩაუმატეთ კვერცხი, კარტოფილი, ფილე და ერთად დააბლენდერეთ. დაუმატეთ მარილი, შავი პილპილი. სიმინდის სახამებელი და გახეხილი ყველი. აურიეთ კარგად. ეს მასა მოათავსეთ საკონდიტრო ტომარაში. გამოსაცხობ ქაღალდზე ტომრის საშუალებით გააკეთეთ რგოლები და გაყინეთ საყინულეში 1 საათის განმავლობაში.
ამ დროის განმავლობაში მოამზადეთ ყველის სოუსი. ყველა ინგრედიენტი მოამზადეთ. მოათავსეთ ცეცხლგამძლე თასში და ნელ ნელა გაადნეთ. შეურიეთ გასრესილი ნიორი. მუდმივად ურიეთ. მაიონეზის სისქის სოუსი უნდა მიიღოთ. გამოიღეთ თქვენი რგოლები. ჯერ სათითაოდ ამოგანგლეთ ფქვილში. მერე გათქვეფილ კვერცხში. ბოლოს საფანელში. შებრაწეთ ძალიან ცხელ ზეთში. 5 წუთი ორივე მხრიდან საკმარისია.
გემრიელად მიირთვით!
სიახლეები ამავე კატეგორიიდან