კარტოფილის ომლეტი
ავტორი: „თბილისელები“ 12:00 14.06, 2021 წელი
გემრიელი რეცეპტები „თბილისელებისგან“:
საჭირო ინგრედიენტები: 3 ცალი მოზრდილი კარტოფილი, ზეითუნის ზეთი, მარილი, შავი პილპილი – გემოვნებით.
შიგთავსი: 2 კვერცხი, 70 გრამი ბეკონი, 50 გრამი წითელი ხახვი, ცოტა კამა, ნიორი, 70 გრამი მოცარელა, მარილი, შავი პილპილი.
მომზადების წესი: კარტოფილი კანიანად გარეცხეთ. დაალაგეთ გამოსაცხობ ტაფაზე. მოასხით ზეთი. მოაყარეთ მარილი და პილპილი. გამოაცხვეთ აირღუმელში 180 გრადუსზე 20-30 წუთის განმავლობაში. გამოიღეთ და რომ გაცივდება, თითოეული შუაში, სიგრძეზე გაჭერით. კოვზით კარტოფილიდან ამოიღეთ რბილობი და მოათავსეთ თასში. დაუმატეთ კვერცხი, დაჭრილი ბეკონი, წვრილად დაჭრილი ხახვი, ნიორი და კამა, მარილი, პილპილი, აურიეთ კარგად. ამ მასით ამოავსეთ ყველა კარტოფილი. მოაყარეთ გახეხილი მოცარელა და ისევ მოათავსეთ აირღუმელში 180 გრადუსზე. კერძი 15 წუთში მზად იქნება.
სიახლეები ამავე კატეგორიიდან