ქამა სოკო ყველითა და ბეკონით
ავტორი: „თბილისელები“ 12:00 26.01, 2022 წელი
სოკოს და ყველის გემრიელი კერძის რეცეპტი ,,თბილისელებისგან" 👇
საჭირო ინგრედიენტები:
🔸 9 ცალი მოზრდილი ქამა სოკო
🔸 2 სადილის კოვზი ზეთი
🔸 80 გრამი ხახვი
🔸 50 გრამი ბეკონი
🔸 ორი ფირფიტა მდნარი ყველი
🔸 მარილი, შავი პილპილი.
მომზადების წესი 👩🍳
ქამა სოკოს მოაცილეთ „ფეხები“ და ჩაის კოვზით ფრთხილად ცოტა რბილობიც ამოიღეთ. „ფეხებიც“ დააქუცმაცეთ. ბეკონი დაჭერით ძალიან წვრილად. ცხელ ტაფაზე მოათავსეთ ის, რაც სოკოს მოაშორეთ და ბეკონთან ერთად მოშუშეთ. დაუმატეთ წვრილად დაჭრილი ხახვი და კარგად აურიეთ. ამ „ფარშით“ ამოავსეთ სოკოები. მოაყარეთ ცოტა მარილი და პილპილი. დააწყვეთ ტაფაზე და ზემოდან სათითაოდ დააფარეთ მდნარი ყველის ნაჭრები. გამოაცხვეთ 200 გრადუსზე. 15-20 წუთში მზად იქნება.
გემრიელად მიირთვით!
სიახლეები ამავე კატეგორიიდან