გუფთები ნაღებში
ავტორი: „თბილისელები“ 12:00 23.06, 2021 წელი
ფარშის მომზადება - კიდევ ერთი გემრიელი რეცეპტი „თბილისელებისგან“:
საჭირო ინგრედიენტები: 500 გრამი საქონლის ხორცის ფარში, 50 გრამი ბრინჯი, 2 თავი ხახვი, 1 სადილის კოვზი ზეთი, შავი პილპილი, მარილი, 1 ჩაის კოვზი ნივრის ფხვნილი, 1 ჩაის კოვზი ტკბილი წიწაკა, ცოტა უცხო სუნელი, 200 მილილიტრი ნაღები, 3 სადილის კოვზი არაჟანი, 100 მილილიტრი წყალი, 100 გრამი ისპანახი.
მომზადების წესი: ფარშში შეურიეთ წვრილად დაჭრილი ხახვი. მოხარშული ბრინჯი, მარილი და პილპილი. გააკეთეთ გუფთები და შებრაწეთ ზეთში ყველა მხრიდან.
მოამზადეთ სოუსი: ნაღებს შეურიეთ არაჟანი. მოაყარეთ სუნელი, ნივრის ფხვნილი, წიწაკა, მარილი, დაუმატეთ წყალი, აურიეთ და მოასხით გუფთებს. დადგით ძალიან დაბალ ცეცხლზე და ადუღეთ 15 წუთის განმავლობაში. სულ ბოლოს მოაყარეთ მსხვილად დაჭრილი ისპანახი. ზუსტად 3 წუთში კერძი მზად იქნება.
სიახლეები ამავე კატეგორიიდან