ღვეზელი ქათმით, ყველითა და ხახვით
ავტორი: „თბილისელები“ 12:00 16.06, 2021 წელი
ქათმის ღვეზელი ფენოვანი ცომით - გემრიელი რეცეპტი „თბილისელებისგან“:
საჭირო ინგრედიენტები: 250 გრამი ფენოვანი ცომი, 4 ცალი მდნარი ყველის ფირფიტა, 2 თავი ხახვი, 250 გრამი ქათმის ფილე, 1 სადილის კოვზი სოიის სოუსი, 1 კვერცხის გული, ცოტა შაქარი., 3 სადილის კოვზი ზეთი.
მომზადების წესი: ქათმის ფილე დააქუცმაცეთ. მოათავსეთ თასში. დაასხით სოიის სოუსი. აურიეთ და გააჩერეთ 7 წუთი. ხახვი დაჭერით თხელ ნახევარრგოლებად. ცხელ ტაფაზე დაასხით 2 სადილის კოვზი ზეთი. მოშუშეთ მასზე ხახვი და მოაყარეთ ცოტა შაქარი, აურიეთ. გადმოიღეთ ხახვი ლანგარზე. დაასხით 1 სადილის კოვზი ზეთი. გააცხელეთ. მოშუშეთ მასზე ქათმის ხორცი.
ცომი გაყავით ოთხ ნაწილად. ცომის თითოეული ნაწილი გააბრტყელეთ კვადრატად. მარჯვენა ზედა კუთხეში ცომი რამდენიმე ადგილას გაჭერით, სიგრძეზე. ქვედა მარცხენა კუთხეში კოვზით მოათავსეთ მოშუშული ხორცი და მოაყარეთ ხახვი. ზემოდან დააფარეთ მდნარი ყველი. გადმოკეცეთ ცომი და შეკარით. სამკუთხედ ღვეზელებს წაუსვით კვერცხის გული და გამოაცხვეთ.
სიახლეები ამავე კატეგორიიდან