ღვეზელები კარტოფილითა და ბეკონით
ავტორი: „თბილისელები“ 12:00 10.05, 2022 წელი
გემრიელი ღვეზელის რეცეპტი ,,თბილისელებისგან"
საჭირო ინგრედიენტები:
ცომი – 230 გრამი ფქვილი, 150 გრამი კარაქი, 1 კვერცხი, 2 სადილის კოვზი წყალი, მარილი – გემოვნებით.
შიგთავსი: 4 ცალი კარტოფილი, 150 მილილიტრი რძე, 50 გრამი კარაქი, ცოტა ოხრახუში და კამა, 1 თავი ხახვი, 2 სადილის კოვზი სოიის სოუსი, 100 გრამი ბეკონი, ზეთი.
მომზადების წესი 👩🍳
ფქვილი, მარილი და კარაქი მოათავსეთ თასში და ხელით კარგად აზილეთ. დაუმატეთ კვერცხი და ცივი წყალი. მოზილეთ რბილი ცომი. შეახვიეთ საკვებ ცელოფანში და მოათვსეთ მაცივარში.
კარტოფილი გათალეთ. მოხარშეთ და გააკეთეთ პიურე. დაუმატეთ თბილი რძე. კარაქი, სოიის სოუსი, დააბლენდერეთ და შეურიეთ წვრილად დაჭრილი მწვანილი. ხახვი და ბეკონი დაჭერით ძალიან წვრილად. ზეთიან ტაფაზე მოშუშეთ ხახვი, დაუმატეთ ბეკონი და ოდნავ ისიც მოშუშეთ.
ცომისგან გააკეთეთ პატარა გუნდები. მოათავსეთ ტარტალეტკების ფორმებში და ამოუმაღლეთ ნაპირები. ყველა კალათისთვის მოიტოვეთ ცომი, რომ პატარა თავსახურები გაუკეთოთ. კალათებში ჯერ მოათავსეთ პიურე. ზემოდან დაადეთ მოშუშული ბეკონი და ცომის თავსახური მჭიდროდ გადააკარით. წაუსვით ზემოდან ფუნჯით სოიის სოუსი და გამოაცხვეთ აირღუმელში 180 გრადუსზე.
სიახლეები ამავე კატეგორიიდან