ღორის ხორცის რულეტი
ავტორი: „თბილისელები“ 12:00 27.01, 2021 წელი
საჭირო ინგრედიენტები: კილოგრამ-ნახევარი ღორის რბილი ხორცი, ნახევარი კილოგრამი ქამა სოკო, 200 გრამი მაგარი ყველი, 2 თავი ხახვი, 1 ცალი სტაფილო, 7 სადილის კოვზი სოიის სოუსი, მარილი, ხმელი სუნელი, პილპილი, 1 კონა კამა, 5 სადილის კოვზი ზეთი.
მომზადების წესი: დაჭერით ხორცი ორი სანტიმეტრის სისქის ნაჭრებად. დაბეგვეთ თითოეული ნაჭერი. წაუსვით მარილი და პილპილი. დაასხით სოიის სოუსი. ზეთიან ტაფაზე დაყარეთ თხელ რგოლებად დაჭრილი ხახვი და ცოტა მოშუშეთ. დაუმატეთ გახეხილი სტაფილო და რომ მოიშუშება, დააყარეთ დაჭრილი სოკო. იშუშოს კიდევ 15 წუთი. დაუმატეთ 2 სადილის კოვზი სოიოს სოუსი და დაახლოებით 5 წუთის შემდეგ, ზედმეტი სითხე რომ ამოშრება, ყველაფერი ბლენდერში დააქუცმაცეთ. ხორცის ნაჭრები მჭიდროდ დაალაგეთ გამოსაცხობ ტაფაზე. წაუსვით სოკოს პაშტეტი. ისე, რომ ცოტა დაგრჩეთ. გადაახვიეთ მჭიდროდ, როგორც რულეტი და წაუსვით დარჩენილი პაშტეტი. მოაყარეთ მწვანილი და გახეხილი ყველი. შეკარით საკონდიტრო თოკით. გამოაცხვეთ 200 გრადუსზე 35 წუთის განმავლობაში.
სიახლეები ამავე კატეგორიიდან