გამომცხვარი ხორცი ნაღებისა და სოკოს სოუსში
ავტორი: „თბილისელები“ 12:00 18.01, 2022 წელი
ხორცის გემრიელი კერძის რეცეპტი ,,თბილისელებისგან" 👇
საჭირო ინგრედიენტები:
🔸 600 გრამი ძროხის ხორცი
🔸 1 თავი ხახვი
🔸 ერთი ქილა ქამა სოკო
🔸 ხორცის ბულიონი
🔸 200 მილილიტრი ნაღები (20-პროცენტიანი)
🔸 1 სადილის კოვზი ფქვილი
🔸 ნახევარი ჩაის კოვზი მარილი
🔸 3 სადილის კოვზი ზეთი.
მომზადების წესი 👩🍳
დაჭერით ხორცი ულუფებად და სათითაოდ დაბეგვეთ. მოაყარეთ ცოტა მარილი. ჩააწყვეთ ცეცხლგამძლე ჭურჭელში, მოასხით 50 მილილიტრი წყალი და მოათავსეთ აირღუმელში. გააჩერეთ საათ-ნახევარი, რათა მოიშუშოს. ამ დროში კი მოამზადეთ სოუსი. სოკო გადაწურეთ. სათითაოდ გაჭერით შუაში და მოხრაკეთ ცხელ ტაფაზე, ცოტა ზეთში. 7 წუთში მზად იქნება. მოაყარეთ ნახევარრგოლებად დაჭრილი ხახვი, მოასხით 1 სადილის კოვზი ზეთი. განაგრძეთ შუშვა, შეურიეთ ფქვილი. ბოლოს დაასხით ხორცის მოშუშვის დროს დარჩენილი ბულიონი, მოაყარეთ ძალიან ცოტა მარილი, მიიყვანეთ ადუღებამდე და გადმოდგით.
გამოსაცხობ ფორმას წინასწარ წაუსვით ზეთი. ჩაასხით მასში სოუსი და ჩააწყვეთ ხორცი. მოასხით ნაღები. ცოტა სოკოს სოუსი ზემოდანაც მოასხით. მოათავსეთ 180 გრადუსამდე გაცხელებულ აირღუმელში. ნახევარ საათში მზად იქნება.
გემრიელად მიირთვით!
სიახლეები ამავე კატეგორიიდან