გამომცხვარი ბოსტნეული კვერცხითა და ყველით
ავტორი: „თბილისელები“ 12:00 27.02, 2021 წელი
საჭირო ინგრედიენტები: 500 გრამი მაკარონი, 250 გრამი ყვავილოვანი კომბოსტო, 250 გრამი ბროკოლი, 250 გრამი გახეხილი ყველი, 3 კვერცხი, 200 მილილიტრი რძე, მარილი და პილპილი – გემოვნებით.
მომზადების წესი: მაკარონი მოხარშეთ მარილიან წყალში და გადაწურეთ. ყვავილოვანი კომბოსტო და ბროკოლი დაანაწევრეთ და კარგად გარეცხეთ. კვერცხსა და რძეს მოაყარეთ მარილი და პილპილი და კარგად ათქვიფეთ. საცხობ ფორმას წაუსვით ცხიმი, გადაიტანეთ მასზე ერთმანეთში შერეული მაკარონი და ბოსტნეული, მოაყარეთ გახეხილი ყველის ნაწილი და მოასხით სოუსი. ზემოდან კვლავ მოაყარეთ ყველი. გამოაცხვეთ 200 გრადუსზე, გახურებულ ღუმელში. დაახლოებით, 20 წუთში მზად იქნება.
სიახლეები ამავე კატეგორიიდან