ჩებურეკი ხორცითა და ფხვიერი ყველით
ავტორი: „თბილისელები“ 12:00 03.08, 2021 წელი
გიყვართ ჩებურეკი? „თბილისელები“ უგემრიელესი, წვნიანი ჩებურეკის რეცეპტს გიზიარებთ.
ჩებურეკი - საჭირო ინგრედიენტები:
ცომი:
🔸1 კვერცხის გული
🔸 250 მილილიტრი წყალი, ცოტა მარილი, ფქვილი
🔸 1 სადილის კოვზი ზეთი
🔸 1 სადილის კოვზი არაყი
შიგთავსი:
🔸 250 გრამი ხორცის ფარში
🔸 2 სადილის კოვზი სოიის სოუსი
🔸 ნახევარი თავი ხახვი
🔸 50 გრამი ბრინზა ყველი, შავი პილპილი
🔸 1 სადილის კოვზი დაჭრილი ოხრახუში.
მომზადების წესი:
ჯერ ცომი – შეურიეთ ერთმანეთს კვერცხის გული და არაყი. დაუმატეთ ცოტა მარილი და აურიეთ. ნელ-ნელა შეურიეთ გაცრილი ფქვილი. ჩაუმატეთ ზეთი, წყალი და მოზილეთ ცომი. რბილი უნდა იყოს და ხელს არ ეკრობოდეს. გააკეთეთ ცომისგან ბურთი და დააფარეთ პირსახოცი. ასე გააჩერეთ 15 წუთი მაინც.
სანამ ცომი ისვენებს, მოამზადეთ შიგთავსი: ფარშს დაუმატეთ წვრილად დაჭრილი ხახვი. შეურიეთ დაფხვნილი ყველი, სოიის სოუსი. წვრილად დაჭრილი მწვანილი და პილპილი. აურიეთ ძალიან კარგად. ცომი დაყავით პორციებად. გააბრტყელეთ. ნახევარზე მოათავსეთ შიგთავსი. გადაკეცეთ და ნაპირები ლამაზად შეუკარით. ცოტა ხანი გააჩერეთ და შეწვით ცხელ, ზეთიან ტაფაზე ორივე მხრიდან.
სულ ესაა - გემრიელად მიირთვით!
სიახლეები ამავე კატეგორიიდან