ღორის ხორცის ჩაშუშული შავი ქლიავით
ავტორი: „თბილისელები“ 12:00 15.06, 2021 წელი
ღორის ხორცის კერძები „თბილისელებისგან“:
საჭირო ინგრედიენტები: 1 კილოგრამი ღორის ნეკნები, 500 გრამი ხახვი, 200 გრამი ბულგარული წიწაკა, 200 გრამი კომბოსტო, 3-4 ცალი პომიდორი, 200 გრამი შავი ქლიავი, მარილი, შავი პილპილი, 100 გრამი მაიონეზი, 100 გრამი არაჟანი, 4 კბილი ნიორი, 2 სადილის კოვზი დაჭრილი ოხრახუში, ზეთი.
მომზადების წესი: ხახვი დაჭერით ნახევარრგოლებად. კომბოსტო წვრილად დაკეპეთ, პომიდორი და ბულგარული კუბიკებად დაჭერით. შავი ქლიავი 10 წუთით მდუღარეში დაალბეთ. შემდეგ გადაწურეთ და დაჭერით.
მოშუშეთ ხახვი ცოტა ზეთში. ხორცი დაჭერით. მოაყარეთ მარილი და პილპილი.
გამოსაცხობ ფორმას წაუსვით ზეთი, მოათავსეთ მასში ხორცის ნაჭრები და მოაყარეთ მოშუშული ხახვი, შემდეგი ფენა იქნება კომბოსტო. ზემოდან მოაყარეთ ბულგარული წიწაკა და პომიდორი, სულ ბოლოს – შავი ქლიავი.
ცალკე თასში ერთმანეთში შეურიეთ არაჟანი და მაიონეზი. დაუმატეთ დაქუცმაცებული ნიორი და მწვანილი. აურიეთ კარგად და მოასხით. დაუმატეთ ცოტა წყალი და დადგით დაბალ ცეცხლზე. ადუღეთ 40-50 წუთი. ძალიან არომატულია და პიკანტური გემო აქვს.
სიახლეები ამავე კატეგორიიდან