ჭარხლისა და კვერცხის სალათა ბარბარა სამხარაძისგან
ავტორი: „თბილისელები“ 12:00 13.04, 2021 წელი
გემრიელი სალათის რეცეპტი ბარბარა სამხარაძისგან 👇
ძალიან მიყვარს საჭმელების მომზადება და სამზარეულოში ტრიალი. ვხუმრობ ხოლმე: ეს ჩემს გარეგნობასაც ეტყობა-მეთქი (იცინის). თუმცა, უპირატესობას მაინც ახალ ხილ-ბოსტნეულს და ჯანსაღ საკვებს ვანიჭებ. მიყვარს ნატურალურ პროდუქტებზე დამზადებული საკვები. ზოგადად, გურმანი ვარ და ქართული, მრავალფეროვანი კერძების მოყვარული. დიეტაზე ყოფნა არ მიყვარს, თუმცა, წონაში დაკლების მიზნით დავიცავი და ცოტა მოვიკელი. ახლა კი გასწავლით ჭარხლისა და კვერცხის სააგზაფხულო მარტივი და სასიამოვნო გემოს სალათის მომზადებას, რომელსაც არც ბევრი ინგრედიენტი უნდა და დიდ დროსაც წაგართმევთ.
საჭირო ინგრედიენტები: 300 გრამი მოხარშული ჭარხალი, 2 ცალი მოხარშული კვერცხი, 1 ცალი მჟავე კიტრი, 2 სუფრის კოვზი მაიონეზი, 1 სუფრის კოვზი არაჟანი, 1 ჩაის კოვზი მდოგვი, 1 კონა კამა, 1 კონა ოხრახუში, მარილი და პილპილი კი – გემოვნებით.
მომზადების წესი: მოხარშული ჭარხალი და მჟავე კიტრი პატარა კუბიკებად დაჭერით. მოგრძოდ დაჭერით მოხარშული კვერცხი. აურიეთ ერთმანეთში და დაუმატეთ დაჭრილი მწვანილი, მდოგვი, მარილი, პილპილი, არაჟანი და მაიონეზი. ლამაზი რომ იყოს, მოათავსეთ ახალ სალათის ფურცლებზე, ზემოდან დაადეთ მოხარშული კვერცხის ნაჭერი.
სიახლეები ამავე კატეგორიიდან