ბურღული ბროკოლითა და სოკოთი (სამარხვო)
ავტორი: „თბილისელები“ 12:00 07.05, 2021 წელი
გემრიელი რეცეპტები „თბილისელებისგან“:
საჭირო ინგრედიენტები: 100 გრამი ბურღული, 200 გრამი ბროკოლი, 200 გრამი ქამა სოკო, 1 ცალი სტაფილო, 1 თავი ხახვი, 2 კბილი ნიორი, სამი სადილის კოვზი ზეთი, 300 გრამი წყალი, მარილი, პილპილი.
მომზადების წესი: წვრილად დაკეპეთ ხახვი და ნიორი. მოშუშეთ ზეთიან ტაფაზე ჯერ ხახვი, ნიორი კი შემდეგ დაუმატეთ. ცოტა ხანში მოაყარეთ წვრილ ჩხირებად დაჭრილი სტაფილო და აურიეთ. ხუთი წუთის შემდეგ კი დაუმატეთ დაჭრილი სოკო, რომ ერთად მოიშუშოს.
მოამზადეთ ბურღული – გარეცხეთ ძალიან კარგად. დაწურეთ. ბოსტნეული ტაფის კიდეებისკენ მისწიეთ და შუაში მოათავსეთ ბურღული. მოასხით 1 სადილის კოვზი ზეთი. მოაყარეთ მარილი და პილპილი. აურიეთ. დაასხით 300 მილილიტრი წყალი. აურიეთ კარგად და ხარშეთ საშუალო სიძლიერის ცეცხლზე 20 წუთის განმავლობაში. ბროკოლი დაანაწევრეთ და მოათავსეთ მდუღარეში. მიიყვანეთ ადუღებამდე. მერე გადაწურეთ, მოაყარეთ უკვე მზა კერძს, აურიეთ და მიირთვით.
სიახლეები ამავე კატეგორიიდან