ბოსტნეულის რაგუ ხორცით
ავტორი: „თბილისელები“ 12:00 18.10, 2021 წელი
საჭირო ინგრედიენტები:
🔸 2 ცალი სტაფილო
🔸 2 ძირი ოხრახუში
🔸 1 თავი ხახვი
🔸 300 გრამი პომიდვრის სოუსი
🔸 10 ცალი პომიდორი ჩერი
🔸 4 სადილის კოვზი სოიის სოუსი
🔸 2 კბილი ნიორი
🔸250 მილილიტრი წითელი ნახევრად ტკბილი ღვინო
🔸 1 ცალი მოზრდილი ბადრიჯანი
🔸 5 სადილის კოვზი ზეთი
🔸 120 გრამი მაგარი ყველი
🔸 600 გრამი ქათმის ან ინდაურის ფარში, ცოტა ორეგანო, სუნელი, მარილი.
მომზადების წესი 👩🍳
სტაფილო და ოხრახუში დაჭერით წვრილად. ხახვი – ნახევარრგოლებად. 2 სადილის კოვზ ზეთში მოშუშეთ სტაფილო და ოხრახუში, დაუმატეთ ხახვი, წვრილად დაჭრილი ნიორი და აურიეთ. შეურიეთ ფარშში და კარგად აზილეთ, ჩანგლით ეს უკეთესად გამოგივათ. როცა ხორცი მოიშუშება, დაუმატეთ პომიდვირის სოუსი, ორეგანო და ცოტა სუნელი. დაასხით ღვინო, აურიეთ და მოშუშეთ, სანამ ალკოჰოლი არ ამოშრება. შეურიეთ სოიის სოუსი. დაუკელით ცეცხლს და შუშეთ თავდახურულ ტაფაში. როცა გამზადდება, გადმოდგით ცეცხლიდან.
ბადრიჯანი დაჭერით თხელ ფირფიტებად. მოაყარეთ მარილი. გააჩერეთ ცოტა ხანი და გადარეცხეთ გამდინარე წყალში. შემდეგ დაწურეთ. შებრაწეთ ზეთიან ტაფაზე ორივე მხრიდან.
ფარშის ორი მესამედი მოათავსეთ ღრმა ცეცხლგამძლე ჭურჭელში. ბადრიჯანი დაახვიეთ და ისე ჩაალაგეთ ფარშში. დარჩენილი ფარში კოვზით ჩაალაგეთ ბადრიჯნებში. მოაყარეთ დაფხვნილი ყველი, მოათავსეთ ცხელ აირღუმელში 15 წუთის განმავლობაში.
გამოიღეთ, მოაყარეთ შუაში გაჭრილი ჩერი და მზადაა.
სიახლეები ამავე კატეგორიიდან