ბლინები ხორცით
ავტორი: „თბილისელები“ 12:00 12.10, 2021 წელი
გემრიელი ხორცის ბლინების რეცეპტი ,,თბილისელებისგან" 👇
საჭირო ინგრედიენტები:
ბლინი:
🔸 1 ჩაის კოვზი საფუარი
🔸 300 მილილიტრი რძე
🔸 1 კვერცხი
🔸 1 სადილის კოვზი შაქარი
🔸 ნახევარი კოვზი მარილი
🔸 2 სადილის კოვზი ზეთი, 200 გრამი ფქვილი.
შიგთავსი:
🔸 300 გრამი ხორცის ფარში
🔸 200 გრამი სტაფილო კორეულად
🔸 ნახევარი თავი ხახვი
🔸 1 სადილის კოვზი ზეთი
🔸 უცხო სუნელი, ძირა, პილპილი და ნახევარი ჩაის კოვზი მარილი.
მომზადების წესი 👩🍳
დაიწყეთ ბლინებისთვის ცომის მომზადებით. რძე ოდნავ გაათბეთ, შეურიეთ შაქარი, შემდეგ საკუთარი და კოვზით მოურიეთ. გააჩერეთ თბილ ადგილას 10 წუთით. დაუმატეთ მარილი და რძე რომ ცოტა გაცივდება, შეურიეთ ზეთი და კვერცხი. აურიეთ. დაუმატეთ ფქვილი და კარგად აურიეთ. ცომი მზადაა. დააფარეთ თბილად და გააჩერეთ ერთი საათი.
სანამ ცომი „ისვენებს“, მოამზადეთ შიგთავსი: ხახვი დაჭერით წვრილად და მოშუშეთ ზეთში, ცხელ ტაფაზე. შემდეგ დაუმატეთ ფარში და კარგად აურიეთ. მოაყარეთ ცოტა უცხო სუნელი, ძირა, მარილი, პილპილი და ისევ აურიეთ. გადმოდგით ცეცხლიდან. ცოტა რომ გაცივდება, დაუმატეთ სტაფილო და კარგად აურიეთ.
გამოაცხვეთ თხელი ბლინები ზეთწასმულ ტაფაზე – 10-12 ცალი უნდა გამოგივიდეთ. ცოტა რომ გაცივდება, თითოეულ მათგანზე, გამომცხვარი მხრიდან დადეთ მზა ფარში და გადაახვიეთ ბლინი, ბოლოს შეწვით ორივე მხრიდან.
გემრიელად მიირთვით!
სიახლეები ამავე კატეგორიიდან