ბლინები ხაჭოს ყველითა და ჟოლოთი
ავტორი: „თბილისელები“ 12:00 17.09, 2022 წელი
მარტივი და გემრიელი ბლინების რეცეპტი ,,თბილისელებისგან"👇
საჭირო ინგრედიენტები:
ბლინის ცომი – ნახევარი ლიტრი რძე, 1 კვერცხი, 70 გრამი შაქარი, სულ ცოტა მარილი, 300 გრამი ფქვილი.
შიგთავსი: 200 გრამი ჟოლო, 15 გრამი სიმინდის სახამებელი, 50 გრამი შაქარი, 50 გრამი შაქრის პუდრა, 80 გრამი ხაჭოს ყველი.
მომზადების წესი 👩🍳
მოამზადეთ ბლინის ცომი, გამოაცხვეთ ცხელ ტაფაზე თხელი ბლინები (ორივე მხრიდან) და გააცივეთ. ჟოლო მოათავსეთ სქელძირიან ქვაბში და დადგით დაბალ ცეცხლზე. მუდმივი მორევით შეურიეთ სიმინდის სახამებელი და შაქარი. რომ შესქელდება, მზად არის. ცალკე თასში ძალიან კარგად ათქვიფეთ ხაჭოს ყველი და შაქრის პუდრა. დაიწყეთ დესერტის აწყობა. ბლინებს სათითად წაუსვით ხაჭოს კრემი. ზემოდან დაადეთ ჟოლოს მუსი, გადაახვიეთ და მოაყარეთ შაქრის პუდრა.
გემრიელად მიირთვით!
სიახლეები ამავე კატეგორიიდან