ბლინები ბანანითა და ნიგვზით
ავტორი: „თბილისელები“ 12:00 21.05, 2022 წელი
გემრიელი ბლინის რეცეპტი ,,თბილისელებისგან"
საჭირო ინგრედიენტები:
🔸 2 კვერცხი
🔸 სულ ცოტა მარილი
🔸 500 მილილიტრი რძე
🔸 200 გრამი ფქვილი
🔸 20 გრამი კაკაო
🔸 3 სადილის კოვზი ზეთი.
შიგთავსი: 2 ცალი ბანანი, 70 გრამი ქიშმიში, 70 გრამი ნიგოზი, 50 მილილიტრი კონიაკი, 50 გრამი შაქარი, 30 გრამი კარაქი, 1 ჩაის კოვზი დარიჩინი.
მომზადების წესი 👩🍳
ჯერ მოამზადეთ ბლინის ცომი – თასში ჩაასხით რძე. ჩაახალეთ კვერცხი, ჩაუმატეთ მარილი, ზეთი, ფქვილი და ათქვიფეთ ძალიან კარგად. ამ მასის ერთი მესამედი გადაიტანეთ ცალკე თასში და ნელ-ნელა დაუმატეთ კაკაო და კარგად აურიეთ. ბლინები დაასხით ძალიან გაცხელებულ ტაფაზე და ზემოდან კოვზით მოასხით კაკაოშერეული ცომი. ბლინები დაალაგეთ დიდ ლანგარზე და გადააკარით საკვები ცელოფანი.
მოამზადეთ შიგთავსი: მშრალ, ცხელ ტაფაზე დაყარეთ შაქარი. ურიეთ, რომ ფერი შეეცვალოს. დაუმატეთ კარაქი და მოამზადეთ კარამელი. ჩაუმატეთ კუბიკებად დაჭრილი ბანანი, კონიაკი, ქიშმიში, წვრილად დაჭრილი ნიგოზი და დარიჩინი. აურიეთ კარგად. ეს შიგთავსი სათითაოდ წაუსვით ბლინებს და გადაახვიეთ.
სიახლეები ამავე კატეგორიიდან