ანეკდოტი
ავტორი: „თბილისელები“ 16:00 17.09, 2022 წელი
ცოლ-ქმარმა გადაწყვიტა, სკოლის ის მერხი მოენახულებინათ, რომელზედაც ერთმანეთი გაიცნეს 70 წლის წინ. უკან რომ ბრუნდებოდნენ, რაღაც დიდი პარკი შენიშნეს ბუჩქებში, ქმარი მივიდა, ჩაიხედა შიგნით და ფულია, დოლარები.
- პოლიციაში განვაცხადოთ. - თქვა ცოლმა
- ხომ არ გადაირიე?.. ეს ფული ღმერთმა გამოგვიგზავნა!.. ჩვენია..
წამოიღო სახლში 100 000 დოლარი აღმოჩნდა და შეინახა სარდაფში.
მეორე დილას ზარია კარზე. გააღეს და ორი კაცია, უშიშროების საბუთი აჩვენეს.
- თქვენ შემთხვევით 100 000 დოლარი ხომ არ გიპოვიათ?
- არა!.. საიდან მოიტანეთ?! - უპასუხა ქმარმა
- დიახ, ჩვენ ვიპოვეთ! საკუჭნაოში შეინახა ამან - თქვა ცოლმა.
- ამას ნუ უსმენთ. ვეღარაა მოტორზე. - თქვა ქმარმა.
- მოიცათ, მოიცათ. აბა, ქალბატონო, მოჰყევით სად და როგორ იპოვეთ.
- გუშინ მე და ჩემი ქმარი ვბრუნდებოდით სკოლიდან.
- ეეე. წამო, წამო... გავედით.
სიახლეები ამავე კატეგორიიდან