ანეკდოტები
ავტორი: „თბილისელები“ 16:00 24.09, 2022 წელი
სტუმრები მომივიდნენ. ჩემი „შახმათი“ ჰქონდა მეზობელს, ჩემი 3,5 წლის ბიჭი გავაგზავნე მასთან და დავაბარე: მიდი რუსიკო დეიდასთან, მამას „შახმათი“ უნდა-თქო და გამოგატანს-მეთქი. იმავე სართულზე კარის მეზობელია. ამ დროს ჩემი ერთ-ერთი სტუმარი სადარბაზოში სიგარეტს ეწევა და გაგუდული შემოვარდა სიცილით. ძლივს მოვასულიერეთ. მისულა ჩემი გადარეული შვილი მეზობელთან და ეუბნება:
– რუსიკო დეიდა, რუსიკო დეიდა, მამამა შამახტიო!
***
სვანი ქუთაისიდან თბილისში მგზავრობს ავტობუსით. გზაში ჩათვლიმა. ხაშურს რომ გამოსცდნენ, მძღოლს გასძახა:
– შოფერ!, გააჩერე, ქუდი გადამივარდა!
– შენ, ძმაო, ქუთაისიდან გძინავს და სად ვეძებო ახლა მე შენი ქუდი?
სვანმა თავზე ხელი დაიდო და ბრძნულად დაასკვნა:
– არა, ახლოს იქნება გადავარდნილი, თავი ისევ თბილი მაქვს.
სიახლეები ამავე კატეგორიიდან
