კვირის პროგნოზი 27 თებერვალი - 5 მარტი

ვერძი ♈

პერიოდი აღსავსე იქნება საინტერესო მოვლენებით. თუ ყურადღებას არ მოადუნებთ მთავარი პრობლემების მიმართ, წარმატებასაც ადვილად მიაღწევთ. ოჯახური ურთიერთობები არასტაბილური იქნება. ახალი სასიყვარულო რომანის წამოწყება კი, მხოლოდ გულისტკენის მიზეზი შეიძლება გახდეს.

კურო ♉

ოჯახის წევრებთან ურთიერთობა გაადვილდება, ხოლო რომანტიკული კავშირები სათნო და მეტი სიამოვნების მომტანი გახდება. უცხოელებთან კონტაქტი, ბევრ სასიკეთო ცვლილებას გამოიწვევს თქვენში და შესაძლოა, ახალი საქმიანი შემოთავაზებებიც მიიღოთ.

ტყუპები ♊

კარგი დროა მოგებიანი ხელშეკრულებებისა და საქმეებისთვის. ოჯახში გაგიჭირდებათ კრიტიკის ატანა და საჭირო გახდება კომპრომისის გამონახვა. თქვენი ენერგეტიკა დაიწყებს დაქვეითებას. კარგი იქნება, თუ ხშირად დაისვენებთ და სუფთა ჰაერზე ისეირნებთ.

კირჩხიბი ♋

გაზრდილი შრომისუნარიანობა და ამტანობა, დაგეხმარებათ შემოქმედებითად მუშაობაში. სამსახურშიც და პირად ურთიერთობებშიც, მეტად გახსნილი იყავით, რათა ცვლილებებმა მხოლოდ დადებითი შედეგი გამოიღოს. კარგი დროა ხანმოკლე მოგზაურობისათვის და ახალი კავშირების დამყარებისთვის.

ლომი ♌

შეხვედრები, გადაადგილებები, არაორდინალური ადამიანები გაგიხალისებთ პირად ცხოვრებას. ეცადეთ არ შეიცვალოთ მსოფლმხედველობა, რათა ამან ზედმეტი პრობლემები არ გაგიჩინოთ საქმეებთან მიმართებით. მეუღლესთან მიმართებით ნუ გაამწვავებთ ურთიერთდამოკიდებულებას და ნუ შექმნით დამატებით პრობლემებს.

ქალწული ♍

მოიმატებს ენერგიულობა და ქმედითუნარიანობა. ახალი ნივთები ოჯახში სიტუაციას მეტად ხალისიანს და ჰარმონიულს გახდის. გადაადგილებები და შეხვედრები ახალ ხალხთან დაგაკავშირებთ. უცხოელ პარტნიორებთან ახალი საქმის დაწყება სასიკეთოდ განვითარდება

სასწორი ♎

შემოქმედებითი აქტიურობის პერიოდია, როდესაც უნდა დაამყაროთ პარტნიორული ურთიერთობები და განახორციელოთ ჩანაფიქრები, მაგრამ თავი აარიდოთ კამათს. ფულს წვრილმანებზე ნუ გაფლანგავთ. საყვარელ ადამიანთან ფიცხი ნუ იქნებით. გაითვალისწინეთ ახლობლების რჩევები.

მორიელი ♏

ახალი საქმეები და ჩანაფიქრები მომავალში დიდ პერსპექტივებს გპირდებათ. გაიზრდება თქვენი ინტუიცია, ადვილად შეძლებთ მომავალი ცვლილებების წინასწარ დაგეგმვას. კარგი დროა კომპლექსური მკურნალობის დასაწყებად, ან ჯანმრთელობის მდგომარეობის გამოსაკვლევად.

მშვილდოსანი ♐

ახალი კავშირები და ინფორმაცია სასიკეთოდ წაადგება თქვენს მომავალს. რთულ სიტუაციებში ეცადეთ სწრაფად იმოქმედოთ. მოერიდეთ ხშირ გადაადგილებებსა და დიდ ფიზიკურ დატვირთვებს, რათა ზიანი არ მიაყენოთ ჯანმრთელობას.

თხის რქა ♑

კარგი იქნება, თუ ყურადღებასა და დროს დაუთმობთ ახალ საქმიანობას და ხელმომჭირნედ დახარჯავთ ფულს. საყვარელ ადამიანთან ურთიერთობა, ბევრ სიხარულს მოგიტანთ. მოგზაურობა კი, გაგიფართოვებთ თვალსაწიერს.

მერწყული ♒

თავს სანაქებოდ იგრძნობთ, თუმცა ყურადღება გმართებთ ჯანმრთელობის მიმართ. ფინანსური საკითხების მოგვარებაში კოლეგები და მეგობრები დაგეხმარებიან. პირად ცხოვრებაში თქვენი ქმედებები, შესაძლოა მითქმა-მოთქმის საგანი გახდეს, ამიტომ ნუ მიიღებთ ნაჩქარევ გადაწყვეტილებებს.

თევზები ♓

კარგი პერიოდია სამსახურში მდგომარეობის გასამყარებლად, ახალი საქმიანობის დასაწყებად, იდეების განსახორციელებლად. გაზრდილი მომხიბვლელობა საწინააღმდეგო სქესის ბევრ ახალ თაყვანისმცემელს შეგძენთ. გაგიადვილდებათ საქმიანი კავშირების დამყარება. ახალი კავშირები და საზოგადოებრივი საქმეები პოპულარობის საწინდარი გახდება.