ეს საინტერესოა
ავტორი: „თბილისელები“ 22:00 22.10, 2022 წელი
👉 მეთვრამეტე საუკუნეში მხატვრის ნატურები მათი ხატვის დროს ხშირად ეკიდნენ სპეციალურ თოკებზე – ამ დროს იჭიმებოდა კუნთები და მხატვრები ადვილად გამოსახავდნენ რელიეფურ მუსკულატურას.
👉 ფრანგული პარფიუმერიის ინდუსტრიაში ხშირია თავგადასავლები, საიდუმლოებები, ტრაგედიები. გასული საუკუნის ბოლოს და ამ საუკუნის დასაწყისში ძალზე პოპულარული იყო სუნამო, სახელწოდებით, „ჟან პოლ მეორე“, რომელმაც ერთდროულად წარმატებაც მოიპოვა და დიდი სკანდალიც გამოიწვია, იმის გამო, რომ ჟან პოლ მეორე იგივეა, რაც იოანე პავლე მეორე – მაშინდელი რომის პაპი.
👉 ნაპოლეონის დროს ინგლისის ჯარში გამორჩეული სამხედროებისთვის ერთ-ერთი წამახალისებელი ჯილდო პოლკოვნიკის ჩინი იყო. ეს ჩინი მნიშვნელოვანი იყო ხმელეთზე მებრძოლთათვის, თუმცა თითქმის აბსურდული – საზღვაო ქვეითებში, რადგან მაშინდელ ხომალდებზე პოლკი ვერ დაეტეოდა.
სიახლეები ამავე კატეგორიიდან
