ეს საინტერესოა
ავტორი: „თბილისელები“ 23:00 25.06, 2022 წელი
✔️ რევოლუციის შემდეგ, გაკულაკების დროს, როდესაც ერთ-ერთ მემამულეს ბოლშევიკები დაესხნენ თავს, წასაღებები შეაგროვეს, ზოგი გაანადგურეს და მიადგნენ ერთ რომაულ ქანდაკებას. როცა უთხრეს, მარსის ქანდაკებააო, მათ დარბევა შეწყვიტეს და მეპატრონეს ბოდიშიც მოუხადეს – ქანდაკება ომის ღმერთის, – მარსის კი არა, მარქსის ეგონათ.
✔️ როგორი პარადოქსულიც უნდა იყოს, საბერძნეთში, რომელიც სამი მხრიდან ზღვებითაა შემოსაზღვრული, ჩვენს წელთაღრიცხვამდე მეთერთმეტე-მერვე საუკუნეებში თევზს საკვებად თითქმის არ იყენებდნენ.
✔️ამენხოტეპ მესამის დროს ეგვიპტეში არსებობდა მხატვართა და ხელოვანთა ქალაქი, სადაც 75 მხატვარი ცხოვრობდა. მათ შორის ყველაზე წარმატებული იყო ამანხეტი, რომელსაც 40 წლის ასაკიდან მხედველობის პრობლემები დაეწყო. ამიტომ მან მხატვართა ქალღმერთი მერეთსეგეთი და საკუთარი თავი ბრმებად გამოსახა.
სიახლეები ამავე კატეგორიიდან
