ეს საინტერესოა
ავტორი: „თბილისელები“ 23:00 04.12, 2021 წელი
✔️ ძველბერძნულ თეატრში მსახიობები ნიღბებით გამოდიოდნენ, რომლებიც ისე იყო შეღებილი, რომ შორიდან კარგად გაარჩევდით მათზე გამოხატულ გრძნობებს – სიხარულს, მწუხარებას, ტკივილს. თუმცა ნიღბებს სხვა ფუნქციაც ჰქონდათ – ხმის გამაძლიერებლის, რასაც თანამედროვე თეატრში მიკროფონი ასრულებს.
✔️მულტიპლიკაციაში ხშირადაა საჭირო სხვადასხვა ხმის იმიტაცია. მაგალითად, ტალღების ხმაური იმიტირდება თასში ჩასხმული წყლის დგაფუნით, თოვლზე სიარულის დროს გამოცემული ჭრიალი – სახამებლიანი პატარა ტომრის ხელით მოჭყლეტით, ტყვიის სტვენა – გაჭიმულ აბრეშუმის ლენტზე ფრჩხილის სწრაფი გასმით, ხოლო აფეთქების ხმა – მიკროფონთან ასანთის გაკვრით.
✔️პირველად გამოშვებული ტელევიზორების ეკრანები ისეთი პატარა იყო, რომ გამოსახულების გასადიდებლად მის წინ წყლით სავსე გამჭვირვალე ჭურჭელს დგამდნენ.
სიახლეები ამავე კატეგორიიდან
