ბრძნული აზრები
ავტორი: „თბილისელები“ 18:00 14.08, 2022 წელი
ჩერჩილი: ურთიერთობის გაფუჭების საუკეთესო საშუალება გარკვევის დაწყებაა.
ნაპოლეონი: შეჩერება აღმართის დროსაა შესაძლებელი, მაგრამ დაღმართისას – არა.
პატანჯალი: ცოდნა ძალაა და შევიცნობთ თუ არა, ჩვენ შეცნობილზე ძალაუფლებას ვიძენთ.
ვოვენარგი: ტკივილი იმიტომ არ მოდის, რომ ადამიანობას გადაგვაჩვიოს. ტკივილი იმიტომ მოდის, რომ საკუთარი მაგალითის მეშვეობით სხვისი გაფრთხილება ვისწავლოთ.
ცვეტაევა: ფრთები მაშინაა თავისუფლება, როცა ფრენის დროსაა გაშლილი. ზურგს უკან ფრთები კი სიმძიმეა.
კონფუცი: თუკი ვინმეს სურს, რომ ძალიან გაწყენინოს, ესე იგი, ის შენზე ცუდ დღეშია.
ფრანკლინი: ცხოვრების ტრაგიზმია ის, რომ ადამიანები ადრე ბერდებიან და გვიან ბრძენდებიან.
ლაო ძი: თავშეკავება კეთილისმყოფლობის პირველი საფეხურია და ზნეობრივი სრულყოფილების დასაწყისი.
რემარკი: ჯობია, მაშინ მოკვდე, როცა სიცოცხლე გინდა, ვიდრე მანამდე იცოცხლო, როცა სიკვდილი მოგინდება.
მარკოზ მოსაგრე: ვინც თვითონ იძიებს შურს, იგი თითქოს ღმერთს მართლმსაჯულების ნაკლებობაში ადანაშაულებს.
იოანე ოქროპირი: თითოეულის სარგებელი მოყვასის სიყვარულში მდგომარეობს, მოყვასის სარგებელი კი – მის სარგებელში.
ამბა ფალასი: ვისაც არ სურს, სინანულის მწუხარება იტვირთოს, მას საღვთო განგებულება უნებურ მწუხარებას შეახვედრებს.
მონტენი: უცნაურია, მაგრამ ადამიანებს, რომლებმაც ცხოვრებაში ვერაფერს მიაღწიეს, ყველაზე მეტად უყვართ გასწავლოთ, როგორ იცხოვრო.
ათათურქი: ზარმაცს საქმე დაავალე და ის სწავლებას დაგიწყებს.
კიიოსაკი: თუ იცი, რა გინდა, ესე იგი, ცოტა იცი ან ცოტა გინდა.
ბეკონი: მეგობრის არამეგობრისგან გარჩევა უნდა შეგეძლოს, რათა მტერი არ ჩააბუდო შენს გულში.
შოუ: თუკი კაცები იფიცებიან, რომ გავნებენ, წადი და დაიძინე. ხოლო თუკი ამას ქალები გეუბნებიან, მაშინ იფხიზლე.
იბსენი: მამაკაცს მეგობრისთვის ყველაფრის დათმობა შეუძლია, გარდა საყვარელი ქალისა.
სიახლეები ამავე კატეგორიიდან