ბრძნული აზრები
ავტორი: „თბილისელები“ 18:00 19.06, 2022 წელი
ლინკოლნი: ჩემთვის არ აქვს მნიშვნელობა, ვინ იყო ბაბუაჩემი, გაცილებით მნიშვნელოვანია, ვინ იქნება ჩემი შვილიშვილი.
მამარდაშვილი: სანამ გაგრძელდება პატივმოყვარეობის მაამებელი ხატების შექმნა? ოჰ! რა კარგად ვიყავით, კულტურაც გვქონდა, სოფელიც ყვაოდა!.. ვიდრე ამ ყალბ ნუგეშისცემას გავაგრძელებთ, დაუსრულებლად ვიტრიალებთ წრეში, როგორც დანტეს გმირები ჯოჯოხეთში.
ალბერტ აინშტაინი: ერთ ხმას შეუძლია, შეცვალოს ოთახი, ქალაქი, შტატი, ერი, მსოფლიო.
მიხეილ ჯავახიშვილი: ისე ტკბილია თაფლი, რომ ბოლოს მწარდება. ზედმეტი გემო, ნამდვილ გემოს კლავს.
მურაკამი: გრიგალს თავს რომ დააღწევ, ისევ ის აღარ იქნები. აი, რა არის ქარიშხლის აზრი.
პითაგორა: ხუმრობაც ზომაზე იხმარე, როგორც მარილი.
ტოლსტოი: რაც უფრო ბრიყვია ადამიანი, მით უფრო მეტი თავხედობაა მასში.
ვისლავ ბრუძინსკი: პოლიტიკა არ არის მეცნიერება, როგორც ამას პატივცემული პროფესორები წარმოგვიდგენენ, არამედ ხელოვნებაა.
იოანე ოქროპირი: არაფერია იმაზე უსაფრთხო, ვიდრე მტრისთვის მიტევება; არაფერია იმაზე საშიში, ვიდრე შურისძიება მასზე.
ისააკ ასური: ადვილად შეგეძლოს ყველაფრის უგულებელყოფა განდიდებისას და ნუ იქნები დიდი შენს სიმცირეში.
გრიგოლ ღვთისმეტყველი: უდიდესი მეცნიერებაა, იყო ბრძენი, ხოლო უდიდესი სიბრძნეა, იყო კეთილი.
კონფუცი: თუკი იმ ოთახში, სადაც იმყოფებით, თქვენ ყველაზე ჭკვიანი ხართ, მაშინ სხვა ოთახში უნდა იმყოფებოდეთ.
ფრანკლინი: ჭკვიანი ადამიანი მტრებთან ურთიერთობებისგან უფრო მეტ სასარგებლოს მიიღებს, ვიდრე გულმხურვალე მხარდამჭერებისგან.
ვოვენარგი: მე არ მინახავს, რომ ადამიანებს ისევე უყვარდეთ სიკეთე, როგორც უყვართ სილამაზე.
მონტენი: ბავშვს ჯერ მოსმენა ასწავლეთ და შემდეგ – რაც გსურთ.
კიიოსაკი: თქვენ ბევრ რამეს ისწავლით წიგნის კითხვით, მაგრამ წიგნის კითხვით ველოსიპედით სიარულს ვერ ისწავლით.
რემარკი: მხოლოდ სრული იდიოტი იდავებს ქალთან და მას ლოგიკისკენ მოუწოდებს.
შანელი: თუკი ქალის ნაკლის გაგება გსურთ, მაშინ ის მის მეგობრებთან შეაქეთ.
სიახლეები ამავე კატეგორიიდან