ბრძნული აზრები
ავტორი: „თბილისელები“ 18:00 01.05, 2022 წელი
ვოვენარგი: მეცნიერის მელანი უფრო წმინდაა, ვიდრე წამებულის სისხლი. მიიღეთ განათლება და რომ განათლდებით, სხვებიც გაანათლეთ.
ჩესტერფილდი: ცუდს არავიზე ვიტყვი, მაგრამ ყველაფერს მოვყვები, რაც თითოეულზე კარგი ვიცი.
ტოლსტოი: ღმერთი ადამიანს მანამდე ეხმარება, სანამ ადამიანი ეხმარება თავის მეგობარს.
ვოლტერი: შეეცადეთ, დაძლიოთ შური, რადგან შური კეთილ საქმეებს შთანთქავს ისევე, როგორც ცეცხლი შთანთქავს შეშას.
მოემი: ტკივილი გატირებს, სიყვარული გალაპარაკებს.
მონტენი: არცერთი ადამიანი არ გახდება ისეთი უცხო, ვიდრე ის, ვინც შენ ადრე გიყვარდა.
რუსო: საუკეთესოა ის, ვინც თავისი ოჯახის მიმართაა საუკეთესო.
ისააკ ასური: ახსენე უფალი შენი კეთილდღეობის დროს და აუცილებლად გაგიხსენებს გასაჭირის დღეებში.
ტიხონ ზადონელი: ჭეშმარიტი მორწმუნეა ის, ვინც მხოლოდ სიკეთეს მოიხმარს და მხოლოდ სიკეთეს გასცემს.
ცვაიგი: ზოგჯერ პრინციპები უნდა დაარღვიო, სხვაგვარად სიხარულს ვერ მიიღებ.
მენანდრე: ერიდე ყველას, ვისაც სიკეთე გაუკეთე.
აბულ ფარაჯი: ერთი სულელის მიერ ჭაში ჩაგდებული ქვა შეიძლება, ორმოცმა ჭკვიანმა ვერ ამოიღოს.
დოსტოევსკი: როდესაც უყვართ, ერთგულები არიან, მაგრამ როდესაც ერთგულები არიან, შეიძლება, არც კი უყვარდეთ.
ბუკოვსკი: გონება იმისთვის მიეცა ადამიანს, რომ მან გაიგოს – მხოლოდ გონებით ცხოვრება არ შეიძლება.
განდი: მარტოობა ასატანია, როცა არ გიყვარს.
ლინკოლნი: სინათლე არ ანათებს, როდესაც სინათლეა. ის სიბნელეში ანათებს.
შანელი: კაცის ბედნიერებაა „მე მინდა“, ქალის კი – „მას უნდა“.
რემარკი: სიყვარულით ქალი ჭკვიანდება, კაცი კი თავს კარგავს.
სიახლეები ამავე კატეგორიიდან