ბრძნული აზრები
ავტორი: „თბილისელები“ 18:00 30.05, 2021 წელი
თაგორი: მე მეძინა და მესიზმრა, რომ ცხოვრება ბედნიერებაა. გავიღვიძე და მივხვდი, რომ ცხოვრება ვალია. მე დავიწყე შრომა და მივხვდი, რომ ვალი – ეს ბედნიერებაა.
იოჰანსენი: ღიმილი და დუმილი არის ორი ძლევამოსილი იარაღი. ღიმილი პრობლემის გადაჭრის გზაა, ხოლო დუმილი – მისი თავიდან არიდების.
პაისი მთაწმინდელი: სინანულით ადამიანს შეუძლია, ღმერთს გადაწყვეტილება შეაცვლევინოს.
თომას მანი: ორპირობა ნამდვილი მშვენებაა მათთვის, ვინც ამ წესით ცხოვრობს.
ორუელი: რაც მეტია გაგება, მით მეტია ცდომილება. რაც უფრო გონიერია კაცი, მით უფრო არანორმალურია.
კოკო შანელი: შენს ფასს ვერ მიხვდებიან მანამ, სანამ გულგრილობამდე არ მიგიყვანენ.
ჟვანეცკი: არა უშავს, თუ შენზე იცინიან, გაცილებით ცუდია, როცა შენ გამო ტირიან.
ფროიდი: ერთადერთი ადამიანი, ვისაც უნდა გაეჯიბრო, ხარ შენ წარსულში და ერთადერთი ადამიანი, ვისაც უნდა აჯობო, ხარ შენ დღეს.
დოსტოევსკი: მეგობრები ყველაფერს გაპატიებენ, წარმატების გარდა.
ედმუნდ ბერკი: არსებობს ზღვარი, რომლის გადაკვეთის შემდეგაც მოთმინება აღარ არის ღირსება.
ვოლტერი: პატიება საკმაოდ ეგოისტური რამეა, ის უკეთესს ხდის მას, ვინც პატიობს, მაგრამ ვერაფერს ასწავლის მას, ვისაც აპატიეს.
ტოლსტოი: ყველას უნდა საზოგადოების შეცვლა, მაგრამ არავინ ფიქრობს იმაზე, თუ როგორ შეცვალოს საკუთარი თავი.
კანტი: უმაღლესი ფილოსოფია იმაზე შორს ვერ წაგყვება, ვიდრე ის უნარი, ბუნებას რომ ჩვეულებრივი განსჯისთვის მოუნიჭებია.
კაფკა: არ დაკარგო სილამაზის აღქმის უნარი და არასოდეს დაბერდები.
ივ სენ ლორანი: კიდეც რომ შეძლო ქალის აზრების წაკითხვა, მაინც ვერაფერს გაიგებ.
ჯეინ მორო: ქალი მამაკაცისთვის გამოცანაა, რომლის პასუხსაც ის შემდეგ ქალში ეძებს.
სიახლეები ამავე კატეგორიიდან