ბრძნული აზრები
ავტორი: „თბილისელები“ 18:00 07.03, 2021 წელი
რიკოვერი: თუ ქვეშევრდომი ყოველთვის ეთანხმება ხელმძღვანელს, ის ორგანიზაციის გამოუსადეგარი წევრია.
ვოვენარგი: სიბრძნე არის ჭკუა, შერწყმული სიკეთესთან. ჭკუა სიკეთის გარეშე – ეშმაკობაა.
ჩერჩილი: ტრადიციების სიყვარული არასოდეს ასუსტებდა ერს. პირიქით, ის აძლიერებდა მას საფრთხისა და გასაჭირის დროს.
სტენდალი: ყველას ცხოვრებაში გამოჩნდება ისეთი ადამიანი, ვის გამოც სხვანაირი ხდები. არ აქვს მნიშვნელობა, ის დიდ ბედნიერებას მოგიტანს თუ დიდ ტკივილს, მაგრამ ისეთი, როგორიც იყავი, ვერასოდეს იქნები.
ტვენი: პრობლემა მეგობრისთვის სიკვდილი კი არა, ისეთი მეგობრის პოვნაა, რომლისთვისაც ღირს სიკვდილი.
რენანი: ადამიანის ბედნიერება შრომაშია, იმ შრომაში, რომელიც მოვალეობად არის მიჩნეული.
გორკი: ადამიანი თუ ოქროთი მოწამლე, მას სული დაუპატარავდება.
მაკიაველი: ადამიანი, მით უმეტეს, პატიოსანი, ამქვეყნად ბედნიერებისთვის არაა მოსული.
ბუკოვსკი: სილამაზე არაფერს ნიშნავს. ვერც კი წარმოიდგენ, რამდენად გაგიმართლა, ლამაზი რომ არ ხარ და ადამიანებს სულ სხვა მიზეზით მოსწონხარ.
რუმი: ჭრილობა, ეს არის ადგილი, საიდანაც შენში სინათლე შემოდის.
კონსტანტინე: ადამიანი უსასტიკესად მხოლოდ მაშინ ისჯება, როცა მას, სწორედ, იმაში დასდებენ ბრალს, რის წინააღმდეგაც თავად იბრძვის.
შოუ: ჩემს მეგობარს ძალიან აშინებს კონიაკი, იმიტომ რომ კონიაკის დალევის შემდეგ მას არაფრის ეშინია.
ნაპოლეონი: გამარჯვებულს არავინ ეკითხება, მართალს ამბობდა თუ ტყუოდა.
ჯეფერსონი: ყველაზე რთულია, დასვა საჭირო კაცი საჭირო თანამდებობაზე.
სტივ ჯობსი: თქვენი დრო შეზღუდულია, ამიტომ ნუ დახარჯავთ სხვისი ცხოვრებისთვის.
რუკერტი: განსაკუთრებით ქალების მეშინია – არასოდეს იცი, როგორ ესაუბრო ისე, რომ მათ დონემდე არ დაეცე.
დოსტოევსკი: ზოგიერთი ქალი მხოლოდ საყვარლად ვარგა, სხვად არაფრად.
სიახლეები ამავე კატეგორიიდან