როგორ უნდა მოამზადოთ კანისთვის ეფექტური მარწყვის ნიღბები და სკრაბები

* კანის დამატენიანებელი და მატონიზირებელი საშუალება: მარწყვის წვენი გაყინეთ კუბიკებად და დღეში 2-ჯერ, წაისვით სახესა და დეკოლტეზე, ეს კარგად ატენიანებს კანს;

* გამონაყრის საწინააღმდეგო: გამონაყრისთვის კარგია, თუ მარწყვის წვენს შეურევთ ალოეს წვენს (2:1) და სახეზე დღეში რამდენჯერმე წაისვამთ;

* პიგმენტური ლაქებისა და ჭორფლის გაუფერულება: ამისთვის ეფექტურია მარწყვისა და ლიმონის წვენის (2:1) ნარევის გამოყენება. აღნიშნულ პროცედურას მათეთრებელი ეფექტიც აქვს;

* მარწყვის სკრაბი ცხიმიანი კანისთვის: მარწყვის წვენს შეურიეთ ცოტა კეფირი და ზღვის მარილი და დაიტანეთ სახეზე. შემდეგ ნელთბილი წყლით ჩამოიბანეთ და წაისვით მკვებავი;

* მარწყვის სკრაბი მშრალი კანისთვის: ერთმანეთში აურიეთ მარწყვის წვენი, ზეითუნის ზეთი და ცოტა ზღვის მარილი. მსუბუქი მასაჟით დაიტანეთ სახის კანზე. შემდეგ ჩამოიბანეთ და წაისვით მკვებავი;

* დამატენიანებელი და სახის ტონუსში მოსაყვანი მარწყვის ნიღაბი მშრალი კანისთვის: 2 ცალ მარწყვის წვენს დაამატეთ 1 ჩაის კოვზი ხაჭო, 3 ცალი გაჭყლეტილი მარწყვი, 1 კვერცხის გული, 2 ჩაის კოვზი ზეითუნის ზეთი და წაისვით სახეზე. გაიჩერეთ, დაახლოებით, 15 წუთით და შემდეგ ჩამოიბანეთ;

* ნიღაბი მშრალი და მობერებული სახის კანისთვის: 4 ცალ მარწყვს დაამატეთ ნახევარი სადილის კოვზი არაჟანი, 1 სადილის კოვზი დაფქული „ჰერკულესი“, 1 ჩაის კოვზი თაფლი და კარგად ათქვიფეთ. წაისვით სახეზე და გაიჩერეთ, დაახლოებით, 20 წუთი. შემდეგ, ჩამოიბანეთ და წაისვით მკვებავი კრემი;

* ნიღაბი ცხიმიანი კანისთვის: ათქვიფეთ 1 კვერცხი, შეურიეთ 5 ცალი დაჭყლეტილი მარწყვი და წაისვით სახეზე 10 წუთით და თბილი წყლით ჩამოიბანეთ;

ან 5 ცალ მარწყვს, დაამატეთ 1 სადილის კოვზი კეფირი და ნახევარი სადილის კოვზი სახამებელი, წაისვით სახეზე და გაიჩერეთ 10-15 წუთი, შემდეგ ჩამოიბანეთ თბილი წყლით;

* მარწყვის ნიღაბი სახის კანისა და დეკოლტეზე გაჩენილი ნაოჭების საწინააღმდეგოდ – 6 ცალი მარწყვი გასრისეთ და ეს ფაფა წაისვით გასუფთავებულ სახის კანსა და დეკოლტეს ზონაზე. 5-10 წუთის შემდეგ თბილი წყლით ჩამოიბანეთ და წაისვით დამატენიანებელი კრემი;

* მოდუნებული კანის აღდგენა: 2 ცალი მარწყვი გასრისეთ, დაამატეთ 1 ჩაის კოვზი თაფლი და წაისვით სუფთა კანზე. 10 წუთის შემდეგ ჩამოიბანეთ ოდნავ თბილი წყლით;

* ფორების გასაწმენდი ნიღაბი: მარლით გამოწურეთ 4 ცალი მარწყვის წვენი, დაუმატეთ 2 ჩაის კოვზი კოსმეტიკური თიხა, წაისვით სუფთა კანზე და 10 წუთის შემდეგ გრილი წყლით ჩამოიბანეთ. შემდეგ წაისვით დამატენიანებელი კრემი.

ეს პროცედურები უნდა ჩაიტაროთ ყოველდღიურად ერთი კვირის განმავლობაში.